彩福欣宴 (已結業)

今日幫個學生補習黎到大埔，經過發現原來呢到都有彩福分店，諗都唔諗就決定左夜晚係呢到食，就即刻約左女朋友係大埔等我收工。

基本上每次黎得彩福我都一定叫佢地個龍蝦，因為真係太過抵食，而食得既我都一定加佢地個伊麵，三十蚊一大餅同樣都係好抵。

再一次叫佢用芝士整，完全冇中伏既機會。

除左個芝士龍蝦伊麵之外，我地仲叫左個前菜仔就係佢地個燒腩仔，因為我比較大食既關係我仲叫左碗飯黎送佢個燒腩仔，因為真係皮脆肉嫩又多汁，相當高質。