彩福欣宴 (已結業)

聽講彩福個燉椰皇好食，專登過黎試下。閒日下午一點半入座，得4成滿，啲侍應行行企企打牙較都無人黎開茶，三催四請後叫壺鐵觀音就俾普洱。開茶又唔俾水兜洗碗，又係要三催四請....點心阿姐個個黑面，態度勁差，大力掉點心落檯.. 啲野食已經唔係平，炒碟飯都8x-9x 蚊。人均一舊水我都唔係expect啲咩服務...但我有俾加一架嘛，起碼要有基本服務掛...食物味道普通，服務態度仲要咁差，難怪無人黎..P.S 2點就話椰皇已賣曬，無得食～無奈…查看更多

兄弟紙妹開飯喇！打電話不準訂兩點檯 13 個無緊要，我親身點半到門口攞兩點檯，哨牙大媽門口叫我兩點先黎！我就係驚無檯先提早攞，即係唔比留檯？算鬼數，我依家立即要，最多一個人坐到兩點。進入大廳發現空盪盪，食客寥寥可數大量吉檯任您坐，如此服務態度抵您無生意架！個個食飽飽走到收銀處埋單，點知另一大媽侍應要求我地全部返回座位，稱未寫人頭茶錢，我地火都黎！為點數要成村人返轉頭？部份朋友都已經出左門口，堅係痴孖筋架，啋您都傻啦！依家 13 位收定唔收？鐵觀音，頭幾杯清香高雅有質素，越飲越淡，沒有添茶葉服務？旋風流沙包，流都唔流下喎，完全凝固。暖暖地甜甜地撞咸咸地，唔難食無特別。水晶蝦餃，餃皮夾起即爛，彈性不足。蝦鮮氣旺盛爽甜美味，搭著爽爽筍粒，新鮮出爐好野黎喎！牛肉腸粉，滑嘟嘟牛肉碎，份量還可以，再多少少更開心。鮮蝦腸粉，大大粒原隻蝦仁，啤水假爽明蝦可接受，味道中規中矩。兩款腸都合格，只是腸皮不夠薄滑，米香不夠。雜菌脆腸粉，有趣有創意，外觀亦十分吸引，似炸兩？響鈴腸粉？春卷皮太厚，微濕有點半韌半脆，以齋做餡清新味道，整體無問題。葵花寶鴨，乾鞋韌韌煙鴨，咸味野蠻不懂欣賞。是否要捲埋下面蘿蔔片食的呢？雞絲春卷，熱燙燙滾點喼汁降降溫即整件啪入，脆卜卜酸咪咪香口有肉味過足癮。黑松露帶子餃，其實味道蠻喜歡的，鳳眼形非常美麗！黑松露芳香獨特加上清甜帶子肉，還有爽甜蘆筍頭，足料無欺場。最敝有芹菜，差點頂唔順，唔敢再趙直接吞落肚。金醬菌皇蝦丸，必食！爆汁勁彈，香口蝦鮮滾熱辣。原味拍手掌，撞上喼汁酸甜提鮮更醒神。芥末蝦球，鮮爽彈大大球，撈青芥辣清香辛辣，香口必食之選。白灼通菜，平實爽甜淋上淡豉油，趙到索索聲菜汁豐富。炸魷魚鬚，脆粉太厚，乾爭爭卜卜脆，滾上喼汁添點濕度加上酸咪咪就可口多了！茶樹菇雞粥，有創意不過效果欠佳。雞肉綿滑不鞋，粥底普通平凡，麻油味極重。炸脆鱔，外形及味道使我完全瞞騙，像真度超真實幾可亂真！其實係炸冬菇，發夢都估唔到。炸得香口微脆，包著彈彈菇散發濃郁輕甜醬油味，似足炸鱔柳。蟹子燒賣皇，燒賣一夾即散，蝦爽不太肥，肉甜蝦鮮啖啖肉，合格。原隻鮑魚燒賣皇，看似滿佈肥豬肉，照樣膽粗粗整粒塞入，原來真材實料蝦膠來的！豬肉不太多，也食不出油膩肥膏，蝦仁蝦膠彈滑而味道非常突出。鮑魚仔嚥韌味道濃烈，剛剛蒸起熱騰騰特別好味道。海螺片四寶雞紮，似鮑魚菇多過螺片，火腿冬菇雞柳款款優質，和味叫好！北菇棉花雞，大大塊魚肚塾底，吸盡菇汁雞汁的精華，爽爽濕潤不腥不嗅，，甜美可口。雞柳嫩滑味濃不硬不鞋有質素，北菇厚厚多水滑滑菇味清香。雜菌鮑汁雞腳，配花生就見得多，雜菌都係首次遇上，有創意！雞髀菇搭鮮冬菇，爽爽散發鮑汁菇味。雞腳炆得黏黏膠滑而十分完整得體，一啜骨肉分離，雞味鮑汁濃郁吸引好味道！港式街頭蝦米豬腸粉，還以為係煎腸粉，只不過係蒸，而且厚黏韌不滑溜，勁蔥撈埋豉油麻醬甜醬免強食得到。瑤柱灌湯餃，半透的餃皮已見到大量芫茜包在內，心感不妙。立即加入大量酸咪咪浙醋，始終不敵茜味，太濃吃不消！轉贈老豆處理，阿媽同樣受不了芫茜蔥。安蝦咸水角，微暖按下沒有出油，安心享用。鬆脆的外皮，咬落索一聲十分悅耳！再來嚥韌黏黏的質地，甜甜的包著咸香醬油肉碎，甜咸反差的有趣碰撞，合格。什麼叫安蝦呢？食唔到有蝦架喎。臘味炒芥蘭，要趁熱食，越凍越油。超級肥的臘腸及臘肉，油脂兇湧澎湃，食到我雙脣立立令油淋淋。蒸飯必定非常適合，臘肉油香全部滲入米飯之中，但用來炒菜不太好。芥蘭爽甜脆卜卜不苦不澀，帶著微弱臘肉香味，食得過。涼瓜龍躉球炒河粉，最初想食蔥香鮮蟹肉炆稻庭烏冬，阿媽突想食涼瓜龍躉球炒河粉，食咩都得，無問題。一看已知是微灼涼瓜，翠綠鮮明的顏色，爽脆勁多汁，不是軟軟的，少少甘味，苦味也不薄弱。龍躉球結實魚味濃，調味醇厚得宜。河粉完整不散碎，滑嘟嘟多汁味濃，大啖地嘆，舒服啊！…查看更多

我總共講左3次我要咩茶拎位果陣同counter個姐姐講左一次坐低之後同個呀叔講左一次有3碟野黎左之後再講多一次我要壽尾未試過去飲茶係d野食仲黎得早過壺茶可能係佢d野食上得太快最尾黎左5碟菜左右先至有人送上兩壺茶:普洱同鐵觀音然後果個人同我講落單係落左普洱同水仙我真係唔明如果問足我3次我要咩茶又花左咁耐時間先上到茶比我點解仲可以上錯茶?d野食幾好食同埋上得好快但茶方面就令到我對成個飲茶經歷大打折扣.....…查看更多

早前同阿媽去咗彩福飲下午茶撐枱腳，兩個人所以食得唔多嘢，叫咗一個下午茶孖寶（油雞米粉+千層糕）同一個豉油皇炒腸粉油雞米份量夠，味道正常，千層糕唔錯，成日都會叫，豉油皇炒腸粉勁大碟但味道普通，下次都係叫返石鍋炒腸粉🤤🤤 雖然貴少少但惹味同乾身好多，後悔冇叫😫總結：兩個人下午茶齊頭$100，味道正常，份量夠，算係咁啦😋…查看更多

此店以婚宴專門店為主題進入大廳，確有婚禮宴會廳的裝修， 環境舒適。精選小菜系列~韭黃菜脯肉鬆帶子炒蛋呢味菜式好家常， 雞蛋加入爽脆菜脯、肉末 、韭黃、帶子拌炒， 啖啖豐富美味美味😋晚市三大優惠~脆皮南乳雞半隻$70 超值價， 皮脆入味， 雞肉嫩滑， 超惹味好食😋😋時令蔬菜系列~濃湯浸莧菜用上湯及蒜子浸煮的莧菜， 食落好軟滑， d莧菜都幾靚😋甜點~紅豆桂花糕食落同時有桂花及紅豆口味，好食😋甜點~金箔芝麻卷芝麻卷上面沾了小許貴氣的金箔， 菲林卷有濃濃的芝麻口味 😋😋…查看更多

星期四晚上回老家陪父母食晚飯，兩老推介去彩福，因為大中間海港執左，無間好啲既茶樓喎⋯⋯去到叫左波士頓龍蝦一隻加伊麵底、特價燒雞半隻、炒聖子王同蒜蓉粉絲蒸扇貝，共4個餸。龍蝦夠新鮮，爽口彈牙，啲伊麵麵好索味，不過唔食太多1隻就算，雖然做緊特價好抵食。燒雞估唔到好脆皮，唔太膩，幾ok。聖子超爽、肉甜，炒起黎野味，最正。扇貝就咸左啲，可能粉絲已經有味，送飯ok，就咁食咸同油左啲。但不得不提彩福獨有既茶，不時去茶樓都係求其叫茶，普洱、香片之類，但呢到啲陳皮普洱好特別，有淡淡陳皮香味，消滯一流。…查看更多

今日幫個學生補習黎到大埔，經過發現原來呢到都有彩福分店，諗都唔諗就決定左夜晚係呢到食，就即刻約左女朋友係大埔等我收工。基本上每次黎得彩福我都一定叫佢地個龍蝦，因為真係太過抵食，而食得既我都一定加佢地個伊麵，三十蚊一大餅同樣都係好抵。再一次叫佢用芝士整，完全冇中伏既機會。除左個芝士龍蝦伊麵之外，我地仲叫左個前菜仔就係佢地個燒腩仔，因為我比較大食既關係我仲叫左碗飯黎送佢個燒腩仔，因為真係皮脆肉嫩又多汁，相當高質。…查看更多

上星期約咗朋友喺大埔，晚飯時間決定去附近嘅酒家，貪嗰度環境比起大排檔舒服呢個薑蔥蠔筒煲十級推薦！蠔肉非常大！口感非常厚身，大大啖另外薑蔥味道都好香，送飯一流另外依個蒸斑肉都非常推薦，唔會蒸太老身而且好多肉，份量都好多同朋友一人叫咗一隻龍蝦然後用芝士再配伊面底，真係好好食呀芝士醬汁香濃而且龍蝦肉質鮮嫩，我同朋友用咗10分鐘就食晒成碟野最後同朋友一人叫咗一個甜品，味道都非常好，為呢一餐畫上圓滿嘅句號，感恩:)…查看更多

早幾日老人家生日，特登入嚟大埔同佢地食餐飯，因為有老有嫩嘅關係，想坐得舒服啲唔想坐大排檔食小菜，於是乎就過咗嚟彩福彩福點龍蝦是常識吧佢哋龍蝦真係做得好平，88一斤，叫咗兩隻龍蝦都係$200左右，而且非常厚肉，呢類酒家嘅廚房都好識處理龍蝦，肉質鮮嫩金銀蛋莧菜，份量都非常多，最尾都有剩食唔晒由於老人家鍾意食菜嘅關係所以叫多碟西蘭花炒斑，斑肉，非常彈牙，滿意另外有小朋友口痕特登叫咗份乳豬俾佢，食左一兩塊都唔錯，外皮非常香脆，熱辣辣…查看更多

一圍十二人，黎呢到主要食龍蝦，又大隻又底食！食左約$2300，每人190蚊到。點左好多餸，上湯龍蝦、蒜蓉蒸龍蝦、北京片皮鴨、燒腩仔、木耳蒸魚腩、上湯生菜、金銀蛋莧菜、大蝦炒西芹、蒸石斑、竹燕椰汁糕、芒果布甸。先由最好味既菜講走。上湯龍蝦、蒜蓉蒸龍蝦（4⭐️）龍蝦手掌咁大，好多肉，肉質帶甜又爽口。推介蒜蓉煮法，個汁用撈飯超好味！大蝦炒西芹（4⭐️）大蝦爽口，而且好多粒蝦，西芹爽甜。木耳蒸魚腩（4⭐️）有魚味，肉質鮮美。竹燕椰汁糕 （3.5⭐️）外貌麻麻哋，但係食落甜度啱啱好，口感正常。蒸石斑（3.5⭐️）蒸得啱啱好，嫩口。上湯生菜（3⭐️）生菜爽甜，正常。金銀蛋莧菜 （2⭐️）菜唔太好味，金銀蛋湯底鹹蛋冇味，食落唔知食緊乜。芒果布甸（2⭐️）呢個我冇食，但佢個樣貌麻麻，同太細份。燒腩仔我都冇食所以唔評論。其實酒樓一般食飯都係睇環境同服務同埋食物嘅份量，侍應服務態度非常好有笑容，服務非常熱心，食物份量都好足夠，價錢相宜。非常適合一大班人食。…查看更多

平時同👭👭👬👬朋友就多數食西餐多， 而同屋企人食飯就9成都係中菜。今次都唔例外，同屋企人食都要搵間穩陣啲好啦，咁今次我就揀咗彩福， 因為彩福咁啱做緊🦞龍蝦節優惠， 真係幾抵食，如果星期一至星期五去食，🦞龍蝦每斤$88， 加多$30仲可以加埋個🍝伊面底或者🍝淮山麵底又或者🍝烏冬麵底。 本身佢就包左蒜蓉開邊蒸🦞龍蝦， 如果你想食其他食法呢。。。就可以加錢轉...例如加$20可以加埋個粉絲底。我就叫咗個蒜蓉開邊蒸龍蝦加埋個面底同埋另外加咗個金牌潮式滷水拼盤， 兩個人食真係夠晒有餘啦…查看更多

一盅兩件對於香港人來講，真係不可或缺的美食。今日相約了朋友到大埔飲吓茶聚舊。地點就㨂咗「彩福欣宴」，覺得環境寬敞舒適，檯於檯之間不迫，又不用搭檯，ㄧ邊嘆茶ㄧ邊詳談真係唔錯!睇下D㸃心紙先……種類好多喎! 原來他們有幾款得獎點心，看來好吸引，等我叫幾款試下先。芝心海皇千絲春卷 : 外面用米粉包住餡料，炸至金黃色，賣相好吸引，食落外脆內軟，裡面餡料有野菌、魚粒和芝士醬混合而成。野菌獨特香味，魚粒的鮮味，再混合咸香的芝士醬內，都真係幾夾。原隻鮑魚燒買 : 鮮蝦豬肉燒賣上放有粒原隻鮑魚仔, 鮑魚仔鮮味，有咬口，蝦肉和豬肉餡料都好鮮味!!XO醬蒜香煙肉炒花生苗 : 由於我從未食過花生苗，所以在㸃心紙上見到此菜式已决定要試試。上檯後已傳來陣陣的蒜香和煙肉味，馬上夾起來試下，花生苗有D似極粗壯的大豆芽，莖部清爽多汁，頂部原來是粒花生，口感都像大豆芽感覺硬硬地，配上XO醬、蒜蓉和煙肉比較濃的配料來炒，濃淡適中剛剛好!鮮蝦菜苗餃 : 將爽口鮮蝦和菜蓉餡料，包製成風車形狀，又好睇又鮮味。時菜鯪魚球 : 大大粒的彈牙鯪魚球，原來用蒸的方法來烹調，都好鮮味!鴨腳扎 : 好以這類舊式點心已不多見，特地㸃來壞舊ㄧ番。 鴨腳扎紮得好結實，用一塊腐皮包著一隻鴨腳一件芋頭和一件蝦膠。記得兒時常常跟家人爭食鴨腳，不願意食芋頭， 現在才知道芋頭吸收了肉的鮮味原來是最好食的。竹燕椰汁糕 : 頂部透明層的竹燕爽囗，下層配上香濃椰汁糕，香甜嫩滑，不會太甜，食極都唔會厭。此店有精美嘅點心，舒適嘅環境，加上合理嘅價錢，同朋友詳談，真係一個好地方。…查看更多

今晚既晚餐難得出街食，梗係搵番間又靚坐得又舒服又多野食揀，食得開心既餐廳，今晚屋企人想食中菜，所以揀左彩福。第一次黎食，成日都見好多人響到擺酒，入去食晚飯都係第一次，一入到去見到裝修都幾靚，環境好光猛，仲有靚酒樓必備既私家魚池，呢到個魚池有3層，仲要清潔得立立令，真係揀海鮮食都揀得開心啲野食其實都好多選擇，今餐最好味既我會揀片皮鴨同脆皮南乳雞，2款菜式都係好咪在層皮 片皮鴨響你面前即切，唔怕上枱唔似成隻鴨既份量，皮薄冇乜脂肪，好味，而雞皮就炸得夠脆，令人食完一件又一件，好好味食得太快都唔記得一樣樣相機食先，下次再黎食先影番靚相分享😁…查看更多

平時去彩福飲茶就飲得多 食晚飯就真係第一次!宜家龍蝦有特別, $88斤, 另有晚飯三選一, 都算抵食!叫咗脆皮黃金脆皮雞半隻$70 諗住係特價小菜, 所以無咩期望, 點知黎到係明顯新鮮炸起熱辣辣, 外皮脆卜卜 雞肉多汁好嫩滑!另外叫1隻龍蝦$99配加$30麵底, 份量比想像中大好多, 平時其他酒樓既特價龍蝦係斬碎哂又細細隻, 但呢間真係大隻有肉, 新鮮甜美爽口!另有9款精選小菜, 叫左當日既蜜桃蝦球, 因為又係新鮮炸起, 外皮仲脆的, 出面酒樓真係好小可以做到咁既水準!最後以甜品作結, 紅棗糕及紅棗糖水, 前者超好咬口又不會過甜, 後者也不錯, 但紅棗再重點會更好!呢餐真心有驚喜, 值得再黎!…查看更多

母親節一家人食飯，都係傳統啲食中菜，今次揀左屋企附近呢間彩福。因為呢到環境大，坐得舒服，一睇餐牌，已經有母親節既套餐選擇，因為人唔多，所以怕食唔哂就冇點到套餐，最後散點左👇🏻👇🏻片皮鴨二食片皮鴨會拎出黎響你枱側睇著佢切，鴨都幾大隻，片到好多份，二食可以揀用茄子或苦瓜炒，最後揀左苦瓜，不會太苦，味道不錯清蒸沙巴龍躉斑中菜梗係食番條魚先夠完滿，龍躉重1斤2, 唔大唔細岩岩好，肉很鮮甜脆皮南乳雞雖然已經食左鴨，但都想點番隻雞食，雞炸得剛好，肉仍然很滑燒汁京蔥野菌炒海參濃味之選，襯番吸味既海參，菇亦吸哂汁既味道，十分惹味海皇櫻花蝦炒飯雖說櫻花蝦炒飯但也有不小蝦球，不會顯得飯太單調杭州小排骨同糖醋排骨好似既一道菜色，不過比糖醋骨味道更濃涼骨菜甫煎蛋角岩哂小朋友餸飯既菜式，食唔出重涼瓜味，可以比平時唔食涼瓜既小朋友食金銀蛋津白金銀蛋莧菜就食得多，原來轉津白個味都幾夾最後當然唔小得甜品啦，原個椰皇燉燕窩，考敬媽媽慢慢嘆祝大家母親節快樂☺️…查看更多