影片
更多
2011-12-01
171 浏览
今日Lunch行經厚福街搵野食，一到放飯既時間就好多人，想搵個位食飯嘆下都幾難。之後行多兩行就見到有幢新開既大廈H8，個度好多野食，我地揀左去28樓叫iDarts 3S’Air既餐廳食飯，本身呢間野係一間酒吧，估唔到原來佢lunch都做埋，仲有lunch set食。一上到去，已經望到天花板有個好大型既鏢靶設計，而右手邊就已經有d客係度玩緊幾部飛鏢機。跟住侍應就安排我地坐係卡位，咁啱係個飛鏢機隔離。可能個侍應見到我好好奇咁係咁望，佢就介紹比我聽話呢幾部機係日本潮玩既玩意，可以連接上網同唔同地方既人比賽，認真厲害，之前我去其他酒吧見到個d飛鏢機都無咁勁。打開個menu，有五款套餐，包埋餐湯，主菜同飲品。出乎意料地，佢既野食款式都幾特別，有意大利飯呀，天使麵呀個d揀，呢d款式係出面餐廳都未必有得食，而套餐價錢都只係40幾50蚊度，唔算話太貴。餐湯有忌廉湯同羅宋湯兩種，配埋蒜蓉多士。而我就揀左羅宋湯，味道清清地唔油膩，酸酸地咁好開胃，不過略嫌蒜蓉包唔夠脆。而我朋友就話鐘意個忌廉湯再creamy d就perfect了！呢度每款主菜個賣相都包裝得幾靚，睇得出師傅好細心咁加左D伴菜上去，令到個食物顏
一上到去，已經望到天花板有個好大型既鏢靶設計，而右手邊就已經有d客係度玩緊幾部飛鏢機。跟住侍應就安排我地坐係卡位，咁啱係個飛鏢機隔離。可能個侍應見到我好好奇咁係咁望，佢就介紹比我聽話呢幾部機係日本潮玩既玩意，可以連接上網同唔同地方既人比賽，認真厲害，之前我去其他酒吧見到個d飛鏢機都無咁勁。
打開個menu，有五款套餐，包埋餐湯，主菜同飲品。出乎意料地，佢既野食款式都幾特別，有意大利飯呀，天使麵呀個d揀，呢d款式係出面餐廳都未必有得食，而套餐價錢都只係40幾50蚊度，唔算話太貴。
餐湯有忌廉湯同羅宋湯兩種，配埋蒜蓉多士。而我就揀左羅宋湯，味道清清地唔油膩，酸酸地咁好開胃，不過略嫌蒜蓉包唔夠脆。而我朋友就話鐘意個忌廉湯再creamy d就perfect了！
呢度每款主菜個賣相都包裝得幾靚，睇得出師傅好細心咁加左D伴菜上去，令到個食物顏色睇落去豐富d，吸引d，而我自己一揀就揀左牛柳蟹籽意大利飯食。
雖然我呢個餐等得比較耐，但係真係出奇地好味﹗哈，可能真係慢工出細貨。個飯都幾抵食，有成4-5塊牛柳，而且d牛柳煮得好Juicy同入味。意大利飯混合左忌廉汁去整，食落去好Creamy，加埋蟹籽一齊食，整體個感覺都幾得意幾特別，拍得住酒店級個d水準，不過女仕們要食哂成個飯都真係幾飽同幾膩架！
我個朋友就叫左黑椒肥牛炒意粉，聞落去就好香黑椒味，而且成個意粉唔會話用太多油去炒，因為出面個d炒烏冬同炒意粉真係多油多到嚇死人，好彩呢度就唔會。因為我個個餐等得太耐，所以食左朋友一片牛肉，哈哈﹗個牛肉都幾嫩滑，唔會炒得太過過火，真係唔錯。
另一個就叫左南瓜汁野菜天使麵，佢話出面餐廳好少可以係Lunch Time食到用南瓜汁造既菜式，所以佢覺得幾特別就即刻叫左黎試。其實我都幾想食天使麵，因為d麵咁幼，個味道唔需要太濃已經好入味。雖然個d侍應話用新鮮既野菜去煮，我就覺得好似太齋，係健康之選，但唔啱我。順帶一提，呢度d侍應既服務態度都幾好，一路都有留意要d咩，唔洗我地下下叫佢都識得主動咁幫我地加水。到左埋單個時，我地本身係俾credit card既，佢問我地有無EPS，話有95折，等我地仲更加著數添，真係值得一讚！下次唔想同人迫食飯，我都會再黎幫襯，d朋友仲話下次教我點玩飛鏢！哈哈哈哈！
张贴
