影片
更多
2025-07-27
2028 浏览
終於試到搬左舖後嘅Hikari，我地好抆先book好好彩都book到lunch吧枱位。新店有10個吧枱位同新增左table位區。如果想揀指定師傅或者座位，就建議大家要預約(今日明師傅1對6唯有下次早d book再食佢手勢)。同往常一樣，我地揀左12件壽司套餐，但今次發現套餐價錢比以前平左，只係HK$420！午市餐牌仲選擇多左，有天婦羅餐同埋刺身丼餐揀。壽司件件都好新鮮，魚生切得好厚身肥美。套餐有三款唔同嘅吞拿魚壽司（醬油漬赤身、中拖羅同大拖羅），每款都好軟滑，入口即化。最令我地印象深刻嘅係間八同特大牡丹蝦，每啖帶有獨特魚鮮味加天然鮮甜味道。另一本人恆常愛魚深海池魚，師傅輕輕用炭焫左幾秒，增添香濃炭烤味！今餐最後以咖啡或焙茶雪糕作結。餐廳服務依然好出色，用餐體驗愉快。以食材新鮮度、價錢同手藝而言，絕對係性價比之選。📋季節壽司12貫📋🥢茶碗蒸 櫻花蝦 雞 本菇🍣昆布漬真鯛間八 柚子胡椒🌟左口魚邊韓國鮮帶子深海池魚🌟牡丹蝦🌟中拖羅🌟沙甸魚吞拿魚醬油漬大拖羅🌟海鰻🌟三文魚籽🥢蜆肉麵豉湯🍨焙茶雪糕 / 炭焙咖啡 / 熱檸水
終於試到搬左舖後嘅Hikari，我地好抆先book好好彩都book到lunch吧枱位。新店有10個吧枱位同新增左table位區。如果想揀指定師傅或者座位，就建議大家要預約(今日明師傅1對6唯有下次早d book再食佢手勢)。
同往常一樣，我地揀左12件壽司套餐，但今次發現套餐價錢比以前平左，只係HK$420！午市餐牌仲選擇多左，有天婦羅餐同埋刺身丼餐揀。
壽司件件都好新鮮，魚生切得好厚身肥美。套餐有三款唔同嘅吞拿魚壽司（醬油漬赤身、中拖羅同大拖羅），每款都好軟滑，入口即化。
最令我地印象深刻嘅係間八同特大牡丹蝦，每啖帶有獨特魚鮮味加天然鮮甜味道。另一本人恆常愛魚深海池魚，師傅輕輕用炭焫左幾秒，增添香濃炭烤味！
今餐最後以咖啡或焙茶雪糕作結。餐廳服務依然好出色，用餐體驗愉快。以食材新鮮度、價錢同手藝而言，絕對係性價比之選。
📋季節壽司12貫📋
🥢茶碗蒸 櫻花蝦 雞 本菇
🍣
昆布漬真鯛
間八 柚子胡椒🌟
左口魚邊
韓國鮮帶子
深海池魚🌟
牡丹蝦🌟
中拖羅🌟
沙甸魚
吞拿魚醬油漬
大拖羅🌟
海鰻🌟
三文魚籽
🥢蜆肉麵豉湯
🍨焙茶雪糕 / 炭焙咖啡 / 熱檸水
张贴
