東海海鮮酒家 (已結業)

星期六同一班親戚提早做節，我姑姐本來想book美麗華個間，點知full晒，要改o黎依間，仲要分段時間tim。姑姐發版叫o左個海鮮餐，先o黎每人一盅雞絲翅，雞絲真係好多翅就無咩，然後係豉油皇煎對蝦，佢o地話唔係對蝦，似普通大蝦多d；每人有2隻蟹皇小籠飽，我平時唔食小籠飽都覺得唔錯幾鮮味；星州炒肉蟹係甜辣汁炒蟹，非常之野味，將d汁撈石鍋海鮮炒飯，極之正；其他仲有鮑魚鵝掌、蒸富貴斑。好戲再後頭，我最期待的大壽包，入面個蛋黃流油又香，如果平時叫要成廿蚊個gar，我食o左個半有多。