滾得棧

营业中

休息中

週末最啱就係去滾，今次就試咗尖沙咀呢間樓上火鍋店，有得滾之餘仲有新鮮刺身同招牌糯米飯，值得一試。鴛鴦湯底-潮州湯底+蕃茄芫茜豆腐湯底潮州湯底味道鮮甜惹味，有紫菜同肉碎等配料，蕃茄芫茜湯就相對較清甜，帶有蕃茄微酸，兩款都啱晒打邊爐。招牌手切牛頸脊肉質望落去油花比例十分均勻，落鍋滾10-20秒肉色變深後即刻夾起食就最啱時間，入口有好正嘅溶化口感，肉味濃郁，唔點醬油都已經十分好味。自製四寶丸有蝦丸、牛丸、墨丸同鯪魚丸，全部都係自家手打手製，口感比一般機製嘅要彈牙好多好多，味道亦更鮮美味。炸魚皮魚皮夠脆，輕輕滾幾秒就食得，食落好香口惹味。三秒腐皮顧名思義就係滾三秒就食得，腐皮會完全吸晒湯汁嘅味道，品嘗到湯底嘅美味之餘亦有腐皮本身嘅鮮美。豆苗菜就揀咗自己好鍾意食嘅豆苗，估唔到用嚟打邊爐都可以咁夾，豆苗吸收咗湯汁後味道更鮮甜好味。炸蝦餅熟食叫咗店員推介嘅炸蝦餅，口味十分有驚喜，外層脆內層爽口彈牙，點埋個甜酸醬食更加惹味。生炒糯米飯熱辣辣即炒糯米飯，有齊臘腸、潤腸、蝦米，食落香口而不油膩，飯粒濕適中夠有口感、臘腸等配料亦夠晒香甜，整體十分出色👍🏻。