福丸水產 鉄板燒 日本料理 (已結業)

呢間餐廳連環境都十分優秀, 除左有日本風味之外, 地方同座位都十分大,坐得十分舒服! 環境分十分之高!和牛牛味超濃, 基本上濃到唔洗加咩調味,中意可以加小小鹽去食, 但我覺得唔需要~脂肪比例不算高過, 小小肥, 有d人中意食呢個多過入口即溶,因為有返d肉味, 因人而異, 二者我都中意~明太子玉子燒,  呢到既明太子比較辣, 其他餐廳都會弱化左個辣味, 呢到辣味係比較重, 唔食得辣既人可能直頭食唔到幾多件!老實講呢到sushi質素好高, 米靚, 醋用得岩岩好, 食落去魚生既鮮甜感都係好足,米飯唔會太多, 所以唔會太飽, 可以叫多d黎試!壽喜鍋比較傳統日本風d, 因為日本人既湯係咸好多, 平時餐廳通常會整淡小小黎fit返hk口味,但呢間就無減到, 個湯係好濃, 牛肉肉質都好靚, 屬美國牛! 肉質唔會太薄, 口感比較有口感!湯仲有d粉絲, 基本上好飽!整體服務不錯, 有熱情, 環境又好, 價錢都平~ 呢個價錢有呢隻質素真係唔錯!