炻板燒 (已搬遷) 新店位置

餐廳地理位置方便，位於新墟熱點，所以中午時段都有不少人排隊用膳。今次就嗌左兩個lunch sets：親子滑蛋丼同埋咖哩吉列豬扒丼。咖哩吉列豬扒丼真係有俾到意外驚喜我，平時喺街食果啲吉列豬扒通常都會太油或者肉質過淋，但呢間嘅豬扒就完全無呢啲問題，炸得剛剛好，唔油，肉質亦夠晒實淨。加上啲咖哩嘅配合，有微辣（唔食辣嘅人都無問題），極開胃。至於親子滑蛋丼，啲蛋滑過條滑梯，唐揚雞亦炸得好。但兩個餐比較，我會推介大家食咖哩吉列豬扒丼多啲。呢間餐廳都幾經濟，兩個人食加埋野飲都係百一蚊鬆啲。