金凡潮汕菜

营业中

休息中

放工約朋友食餐飯，朋友介紹尖沙咀一間潮洲菜館 "金凡”。一入餐廳見到裝修別緻，地方寬敞舒適。坐低先黎一個金凡魚翅撈飯，金黃色的濃湯，一疏疏魚翅，魚翅浸滿上湯好入味， 咸度剛剛好，啖啖魚翅好好味，撈飯更加一流。第二度菜係金凡招牌辣蟹，上菜時睇到大大隻蟹鋪滿金黄色炸蒜，風味十足，味道似避風塘炒蟹。食了一口，就想繼續食，蟹肉鮮甜，食得出係新鮮蟹，加上炸蒜同香蔥，味道豐富。最後食埋豬油渣炒龍鬚菜，現時講求健康，有豬油渣嘅地方買少見少。難得見到有得食，即刻點左。見到一舊舊油渣加上翠綠龍鬚菜，賣相吸引配搭新鮮。油渣鬆脆肥而不膩，搭上青菜爽脆可口，油香味濃。絕對係一間優質潮州菜館，值得推介。