小南國狀元樓 (已結業)

同個老友補祝生日，老婆話要去呢度食雲吞雞，所以就揀左這裡請個fd 食飯。老實講句，我對呢度的雲吞雞不是覺得十分好，不過老婆叫到就冇偈啦。上到去六點半都算早，所以唔算多人。坐低，個waitress行埋黎用d好似個漏氣汽球般、好似未醒的語氣問我地飲咩茶，都唔知好唔好笑。叫:沙窩雲吞雞半份，三個人食絕對夠，飲湯都飲飽你，雲吞d皮幾薄，餡料幾足，湯好夠味，那當然是味精作怪所至；雞肉"鞋"是意料中事，用黎煲湯的，都好難可以滑。上湯百葉小唐菜(見圖)，個菜整得好淋，百葉原來是腐皮，清清地幾好食，個菜好入上湯味，呢個是今晚至愛。叉子鬆餅，呢個就唔夠京味居好食，感覺上太乾了。蟹粉小籠包，麻麻地，唔夠熱，呢次個餡就唔夠了。離開時已見滿座，好在早到呢。