KATANA by SAKEH (已結業)

沿住中環扶手電梯上去士丹頓街，除左見到香噴噴既Bakehouse，對面仲有間日本餐廳「KATANA by SAKEH 」。呢間餐廳用武士做主題，KATANA有武士刀既意思，牆上亦畫左好多達摩，感覺好型格🖤餐廳的燈光偏暗，私隱度幾高。呢到週末都有lunch set🍱包前菜、沙律、味噌湯。我地一人叫左一set再加左幾款串燒，質素都唔錯👍🏻主食要左西京燒銀鱈魚飯同網燒沖繩豚肉蓋飯。銀鱈魚西京燒醃得幾入味，肉質幾嫩滑帶點魚油香味🐟而網燒沖繩豚肉幾有驚喜，豚肉肥瘦均勻🐖肉質細嫩且啲脂肪，口感十分軟嫩，加上落左啲燒汁，啲飯鋪左啲紫菜，撈埋一齊食都幾好食！另外串燒款式都幾多，我地揀左雞腎、雞軟骨🐥簡單用鹽做調味；自家製免治雞肉軟骨棒，口感好好，沾上日本醬油生雞蛋，特別滑溜惹味😋燒紫菜芝士年糕，咬落煙原來中間有芝士，食得好滋味。🔸雞腎、雞軟骨🔸自家制月見免治雞肉軟骨🔸紫菜芝士年糕🔸西京燒銀鱈魚飯🔸網燒沖繩豚肉蓋飯📍#KATANA by SAKEH (#中環美食)中環士丹頓街8號地舖