小嵐山 (已結業)

跟朋友去樂富食野，原本是一個大排檔格調的地方，改革裝修後，可以變成一個有日本餐廳，有打冷的地方。響地鐵站過對面馬路，呢間叫小嵐山的日式餐廳，內裡裝修都好日式。見到餐牌一大本書咁，好多款式，而且價錢優惠，尤其見到法國生蠔刺身併盤$98，有4樣海鮮食，上枱好吸引，有梅花及乾冰伴碟，不斷有煙出，令傳視覺效果有好好享受。而且螺肉已起肉，非常細心；牡丹蝦又好巨型，夠彈牙，生蠔夠肥美，好鮮甜，不用點cocktail sauce都唔腥；三文魚都好香魚油香味。所有海鮮都好新鮮，再點多客三文魚$16@，大大件，抵食。鐵板牛油帆立貝$68，帆立貝彈牙滲透牛油香味，唧上檸檬味道更清新。繼續點海鮮，大蝦天婦羅$68，有6隻咁多，尺寸仲好大隻，蝦肉爽口。再點了個鍋物，牛肉野菜鍋$88 追加手打烏冬$25湯底用了壽喜燒湯底，十分喜歡愛，底部有粉絲，索晒湯底，好清甜，牛肉大片，牛味香濃；豆腐都好嫩滑；材料都好豐富，仲有金菇，鮮菇，粟米，最後加埋手打烏冬，好滿足，喜愛這個牛肉野菜鍋，十分推介。這店店員服務都很好，下次再推介比朋友，一齊再來吃先。