喜鍋 海鮮‧火鍋‧小廚 (已結業)

話說想食喜鍋好一段日子，因為都比近大街，所以周末有活動就有些微影響。呢個周六我地去旺角睇玩具，打去撞下彩竟然有位，我地柯打左招牌花膠鯊魚骨膠原沙鍋，送甘香泡飯，沙鍋送上飲兩碗湯先，兩人食花膠量算好多，話明骨膠原就唔只花膠咁簡單，仲有雞腳同豬腳兩位代表，煲左一晚最後食豬腳同雞腳啖啖膠質，勁正呀！除左湯底料我地仲柯打左頂級安格斯牛頸脊，呢個部位唔肥，唔韌，兩人叫一小碟剛剛好。再黎一碟秘製芝士墨魚丸，店員話店內所有丸類都係手打，加埋流心芝士，一咬就咇出黎，要小心食呀。蟹籽墨魚油炸鬼即叫即炸，新鮮熱辣食，油炸鬼上有有彈牙墨魚滑，上面灑上蟹籽，香口彈牙一身，推介餐前小食點佢！