2nd Draft

营业中

休息中

今晚想食啲西式嘢，經過銅鑼灣京士頓街就見到呢間舖頭，星期五晚經過門口有幾熱鬧喎，於是入咗去試吓。由於唔係好肚餓，所以只係叫咗兩樣嘢食同一杯嘢飲。但係先要講吓佢啲嘢飲，呢間舖頭個名叫2nd draft，顧名思義就係飲手工啤。呢度勁多唔同款嘅手工啤可以揀。我就揀咗佢嗰款Hi-Juice，3%酒精，但飲落好清新，個味道有啲似Hoegaarden。另外揀咗個紅油蝦餃，其實完全係紅油抄手啲friend，但係蝦餃味，真係好特別好有趣。而煮食我就叫咗個炸雞包，係高級版嘅炸雞包，絕對唔係麥當勞嗰啲。雞皮夠脆，肉質夠鬆，而且多肉汁。如果想同三五知己嚟飲杯嘢，食啲嘢，呢間我絕對推介。