天草漁場 (已結業)

呢間位於銅鑼灣既日本餐廳，位於鼎泰豐同咖啡弄對出既新商業大廈。一上到餐廳，門口已經充滿日式擺設，而店內有吧枱同不少座位，咁我當然鐘意坐吧枱睇住師傅切魚生啦！首先侍應為我地送上調味料：仙台麵豉醬、酸汁（天草橙味）、岩鹽。到最後其實無咩需要用到調味料：）<鰹魚藁燒>今次真係慕名而來！雜誌話呢間既鰹魚係自己燒，每日只燒幾轉。有咩特別？佢係以藁草燒香外層，同時再以煙燻入味。不過中間既顏色同第二度食過既棗紅色有出入。《明太子山芋鍋仔燒》口感煙軔，但山芋欠味道，好彩有明太子既咸味調劑下《豚平卷》呢間既豚平卷係用蛋卷捲上豬肉，豬肉煎香過後增添口感，卷既外層加有大板燒醬汁同沙律醬，更惹味開胃。《天草緋扇貝》無論顏色同賣相都幾吸引。帶子彈牙而鮮甜，好味到連湯汁都飲埋！《天草燒真蠔》蠔身漲卜卜，燒過既蠔外表睇落有啲乾身，但咬落蠔汁滿溢，重蠔既海水咸味。《黑毛和牛炒飯》飯炒得粒粒分明，口感彈牙。而飯中仲有唔少和牛肉粒，口感軟綿而充滿牛香同帶油份，相當不錯。