Cafe Siam (科士街) (已結業)

喺西環呢條街平時就食西餐多，經過見到有間食泰國嘢，最近口淡淡，就一於去試吓。-空間幾大，枱同枱嘅距離都幾遠，最近話要同人保持六個階磚嘅距離呀嘛，喺呢度都做到。唔使驚隔離枱嘅飛沫會傳到過嚟😂-佢都有好多fusion菜，最近promote緊船面，慶新春呀嘛！不過今次想食招牌菜咖喱蟹，馬拉盞炒通菜，再加個白飯就啱啱好啦。-咖喱好香椰汁味，入邊仲有好多芹菜，送飯一流!!蟹鉗已經扑開咗，唔使自己開，好貼心啊。啖啖蟹肉！-馬拉盞炒通菜唔會太辣，份量都幾多。-最後叫咗一個椰青同埋青檸梳打，好滿足呀！