老鍋台式火鍋 (金馬倫道) (已結業)

講起火鍋，我哋一班朋友都算係是火鍋迷。不論什麼天氣都愛食火鍋。由傳統的廣東火鍋去到而家台式火鍋都超級鍾意。今次呢間台式火鍋更加係我哋其中一間飯堂。餐牌菜式種類都豐富，而且好多食材都係台灣直送。當中仲有自助醬料吧，揀選自己嘅最愛。美人鍋餐廳供應幾款特色湯底，今次就揀咗呢款美人鍋。湯底材料相當豐富，除咗原隻補而不燥的烏雞外，還有相當養顏嘅桃膠真係超級滋補，而且佢嘅湯相當清甜濃郁，值得推介。一品花雕醉雞件雞件以花雕酒浸泡著，吸收濃郁酒香，食時相當嫩且有淡淡酒香。美國特級牛肋肉脂肪分佈均勻，牛肉味十足，放在湯內淥數秒即可，不用醬汁已經好有牛味。之後亦點了數款丸類餃子，個人覺得梅菜豬肉丸相當有心思，蝦丸則相當鮮味。鮮炸響鈴必食推介，鮮炸響鈴可以話香港頭幾位，炸得鬆化且帶豆香，且沾了泡汁亦不失脆感。台灣水蓮台灣出產水蓮係香港真係比較少有，爽脆鮮甜是必試的其中一道菜。烏龍麵送來時附有一個罩籬，煮製時便不怕粉條四散湯中，方便食用。淥熟後的麵條變得煙煙韌韌，滑嘟嘟有彈性，吃罷的確滿足。打邊爐當然唔少得冰凍飲品。沖繩黑糖烏梅汁酸酸甜甜、醒神開胃；杞子杭菊露則清香順喉、明目養肝，兩者皆是健康之選。