滷川長 (沙田廣場) (已結業)

最近因為疫情關係，多咗喺屋企食飯經過呢間沙田滷味外賣店滷川長，係新開㗎，決定試吓😋外賣滷水店每款滷水都預先包裝好，每日都係本地香港新鮮製造，感覺新鮮啊！我買咗半隻口水雞🤤必食推介啊口水雞麻香十足，而且份量好多辣辣地🌶每件雞件都啖啖肉啊，唔會有好多脂肪而且無添加防腐劑同人造色素，食得出係鮮雞肉啊！撈飯或者當小食都好好味😋另外叫咗活力雞中翼、濃味牛舌、豬手粒各款滷水都係即開即食，叮翻熱就可以食到，真係好方便豬手粒同雞翼滷水味濃，味道有少少辣，好開胃啊牛舌口感爽口，而且幾厚肉，值得一試！另外仲有即用煮食底料醬作即開即用，買來煮下其他餸都好方便啊！