越蘆越南牛肉粉 (已結業)

今日經過越蘆，就比佢既越式裝潢設計風格吸引因為自己本身都好仲意越式既設計風格。咁岩肚仔餓，心諗不如坐低試下啦，又可以欣賞下呢到既裝潢設計！一坐低就叫左個香茅豬扒湯河，同埋香芒軟殼蟹米紙卷！咁岩撞正下午茶時段！四十幾蚊一個香茅豬扒湯河，都算抵食啦！首先，賣相方面，我覺得都幾吸引，食物擺設都好整齊！然後，份量方面，正常份量，都夠一般正常食量既客人食！當然，好似我胃口咁大既客人，專登叫多個香芒軟殼蟹卷食！最後，味道方面，因為搭配左香蔥香菜既配料，令湯既味道更香濃！而且，豬扒既口感又香又脆,咬落口有肉汁，不會太乾！唔想咁熱氣仲可以加啲青檸汁！食完個湯麵，唔夠飽就食埋個香芒軟殼蟹卷，兩者既配搭係出奇地夾，又脆又香非常滿足！整體黎講，好滿足呢餐下午茶！