元気寿司 (已結業)

上個月同愛人去食過一次，只因太耐無幫襯，諗住睇下佢有冇進步。去完大失所望！最基本的三文魚壽司都整到又乾又有朕唔新鮮的腥味。再黎玉子壽司冇蛋味，Ｄ飯係散哂的！最後黎多碟八爪魚，都係冇鮮味！我第一次兩個人去食壽司會只係食三碟就埋單！仲要俾七十幾蚊！真係去Ｍ記好過！就連埋單，Ｄ侍應都唔係好想理我，有Ｄ明明見到我遞哂手都當我透明，食物唔得服務亦唔掂，仲要唔係平過人喎，於是我同愛人講：「我下次一定會再試元氣，今次之前我已經三年冇幫襯元氣，下一次會係十年後，如果佢到時仲有分店的話！」記得當年第一次幫襯尖沙咀大噴水池分店時，好多人排隊仲好好食，點解宜家會搞成咁？