俺流塩らーめん (創紀之城五期(apm))

营业中

休息中

每當有新餐廳開張, 都例必排長龍, 呢間嘢都唔例外, 我都已經等佢開咗一排先去試, 所以都唔算等好耐, 咪睇佢條龍好長, 只要你齊人就好快, 因為個個都係一個人去排隊先, 就算你前面有5個, 但下張枱可能都係你入先架~食飯時間預咗搭枱, 好彩我地係搭張卡位, 所以都唔算好迫, 仲可以望住廚房煮麵, 因為佢係玻璃窗設計, 完全比你睇住成個過程, 好似感覺上知道佢做緊乜會放心d~我第一次食, 所以同個fd叫一個麵一個飯share食, 兩樣都試下~ 呢度係自己填紙仔, 可以選擇麵的軟硬度, 同埋走咩配菜, 咁樣比較清楚~ 豚肉盛合拉麵即係集錦豬肉, 有豬肉片, 有方形豬肉, 有厚切豬肉, 非常豐富, 如果我1條友獨食, 真係未必食得哂, 因為會好濟, 雖然係貴d, 不過又好似比其他拉麵抵食, 話哂咁多餸, 而且味道又唔差, 真係有醃過或者炆過架~ 有味又夠林~拉麵夠牙, 不過聽朋友講, 唔同款式會配搭唔同拉麵, 但我地只可以選擇咩軟硬度~仲有1只蛋, 讓咗比朋友食, 佢話唔錯, 有流心效果~ 鰻魚飯整體份量唔算多, 鰻魚得3舊唔多, 飯唔係大碗, 係唔記得叫走蔥, 但偏偏蔥的份量係最多~鰻魚