影片
更多
2020-06-27
1921 浏览
前果排猛咁開新素食po飛(buffet)呀，放題呀咁，令我地都猛咁試po飛呀，放題呀咁。A！係悶悶地之際，今次終於可以掃番間素食菜館喇！而且今次我地重出人頭地，衝出香港九龍，越洋過海，去到一個比香港(島)更大既島：大嶼山，裡面既大澳掃素添！呢間就係「海韻素食菜館」！大牌檔式素菜，人家是第一次唷～所謂「隻腳踏左入黎，就唔好諗咁易出得番去」，就係用黎形容呢到喇！知道大澳有素食，點可以唔試下就走呢～對於只有「大澳=蝦醬」呢個概念既我地黎講，南涌村13B就好似宇宙中既一個座標。不過，其實係非常易去：巴士落車後唔好「正常」地入市集，而係反方向去鹽田遊樂場，跟住隔離果條直路一直行，基本上已經可以到。沿路差唔多冇野遮頭，天時暑熱都真係金金地，不過兩邊既風景加埋寧靜既環境，都可以令你忘記自己既汗味。好，品嚐完汗味之後我地終於到左，YEAH！巨大招牌，重要係呢啲字款～地方唔係好大，但唔會太迫，所以都OK。照例食完個殼就開始驗真身喇！嗯？咦？個menu好似有啲違和感，但又講唔出係啲乜……其實呢到除左有素菜之外，亦有肉食適合唔同既食客。亦因為咁，我地只show素菜部份主要既menu。估唔到淨係兩版都已經揀到
A！係悶悶地之際，今次終於可以掃番間素食菜館喇！
而且今次我地重出人頭地，衝出香港九龍，越洋過海，去到一個比香港(島)更大既島：大嶼山，裡面既大澳掃素添！
呢間就係「海韻素食菜館」！大牌檔式素菜，人家是第一次唷～
所謂「隻腳踏左入黎，就唔好諗咁易出得番去」，就係用黎形容呢到喇！知道大澳有素食，點可以唔試下就走呢～
對於只有「大澳=蝦醬」呢個概念既我地黎講，南涌村13B就好似宇宙中既一個座標。
不過，其實係非常易去：巴士落車後唔好「正常」地入市集，而係反方向去鹽田遊樂場，跟住隔離果條直路一直行，基本上已經可以到。
沿路差唔多冇野遮頭，天時暑熱都真係金金地，不過兩邊既風景加埋寧靜既環境，都可以令你忘記自己既汗味。
好，品嚐完汗味之後我地終於到左，YEAH！
巨大招牌，重要係呢啲字款～
地方唔係好大，但唔會太迫，所以都OK。照例食完個殼就開始驗真身喇！
嗯？咦？個menu好似有啲違和感，但又講唔出係啲乜……
其實呢到除左有素菜之外，亦有肉食適合唔同既食客。
亦因為咁，我地只show素菜部份主要既menu。
估唔到淨係兩版都已經揀到死去活來……（其實除上面兩版外，重有係第頁）
折騰一番之後，我地揀左以下三位佳麗：
時菜素鮑魚
130 浏览
0 赞好
0 留言
第一次黎食第一樣野就遇到必食之選！素飽魚閃爍反光，厚度剛好，彈牙，飽魚汁香滑唔濃味，時菜（生菜）新鮮。
羅漢齋炒麵
97 浏览
0 赞好
0 留言
由於上面果位佳麗令味蕾太興奮，相對地顯得佢好味得黎平庸。
如圖所見，料都係豐富既～有時菜、菇、栗米B、豆卜等。
其實羅漢齋炒麵呢啲本身都係啲穩陣派既野黎既～
酥炸芋魚
$100
126 浏览
0 赞好
0 留言
沉寂左一陣然後又遇到不得之了既佳麗！
就咁睇唔係好覺，一拮落去就。。。脆，好脆，係卜卜脆！
好中意佢既炸法，猶如正宗果啲日式炸物，雖然係炸但唔油。但層皮再爆脆都係表面野黎者，我地呢啲講內涵既～
哦！？什麼！？
……啲芋頭真係好正！新鮮出爐熱辣辣，夠芋香，而且十分十分之鬆軟，必定要試！（請原諒我用詞既貧乏）
＊隻魚眼係咩黎留番比大家估下。
＊＊其實第一下見到佢唔知點解覺得有啲驚……（完全係個人感覺）
另外，除左以上三位之外，店員重有推薦我地食佢地自家制既豆腐，重有唔同烹調方式過你揀，如炸燉蒸。靚野當然要用蒸啦，其實我地都叫左，都係好滑好好味，可惜冇相……
總結：
睇番上面食評，感覺好似有啲假，好似打手……
不過由於其實冇好期待過，所以有啲意料之外，然後又會激起興奮既荷爾蒙。
當然，大澳好少會成日去，但如果係去，又未試過呢間，真心可以試一次，但要留意最好一早訂位啊！
张贴
