影片
更多
2017-06-30
231 浏览
澳牛， 香港既傳說中既傳說， 坦白講一直好想試不過又好驚唸錯急口令或做錯step, 直至今日自己一條女漢子挑戰，真係想講句呀媽我好叻呀！（苦笑）是日平日既下午５時半，外面一個排隊既人都無， 入到門口同伙記示意１位， 佢就指左我去前面某張４人坐的小圓枱， 當時有一位哥仔差唔多食完。 坐低講左句「炒蛋多士呀唔該」， 其實我真係只想要炒蛋多士唔要餐， 不過伙記已經話「茶餐既，要意粉定通粉？」因為無勇氣同佢講其實我只要炒蛋多士， 就順勢話 「意粉呀唔該」呢個時候旁邊既哥仔食完走左， 我竟然可以一個人坐一張４人位的小圓枱， 真係好amazing!!! 呢到係澳牛呀！！！30秒後叉燒意到， 湯底不是味粉湯，是罐頭雞湯， 意粉就是香港茶記既standard 既霖， 叉燒是少肥偏瘦， 因為浸左湯， 其實食唔到叉燒味。 正常茶記既叉燒意。 意粉份量比想像中少， 女生來說就ok, 男仕們唔知夠唔夠食。 因為當日我拎了２袋野，當然知道如果放Ｄ袋既旁邊位一定比人媽， 所以都是放在膝上抱住食。 呢個時候，伙記見我食得比較困難，竟然特登拎左張摺櫈放在我位旁邊話， 「放過來啦～」oh my god!! 我無記錯我是
直至今日自己一條女漢子挑戰，真係想講句呀媽我好叻呀！（苦笑）
是日平日既下午５時半，外面一個排隊既人都無， 入到門口同伙記示意１位，
佢就指左我去前面某張４人坐的小圓枱， 當時有一位哥仔差唔多食完。
坐低講左句「炒蛋多士呀唔該」， 其實我真係只想要炒蛋多士唔要餐， 不過伙記已經話「茶餐既，要意粉定通粉？」
因為無勇氣同佢講其實我只要炒蛋多士， 就順勢話 「意粉呀唔該」
呢個時候旁邊既哥仔食完走左， 我竟然可以一個人坐一張４人位的小圓枱， 真係好amazing!!! 呢到係澳牛呀！！！
30秒後叉燒意到，
湯底不是味粉湯，是罐頭雞湯， 意粉就是香港茶記既standard 既霖， 叉燒是少肥偏瘦， 因為浸左湯， 其實食唔到叉燒味。
正常茶記既叉燒意。 意粉份量比想像中少， 女生來說就ok, 男仕們唔知夠唔夠食。
因為當日我拎了２袋野，當然知道如果放Ｄ袋既旁邊位一定比人媽， 所以都是放在膝上抱住食。
呢個時候，伙記見我食得比較困難，竟然特登拎左張摺櫈放在我位旁邊話， 「放過來啦～」
oh my god!! 我無記錯我是在澳牛吧！！！！！ 對上一次我食飯有伙記另外比張櫈我放野係係某五星酒店！ 我今日食澳牛竟然為左我特登開張摺櫈！！？ 有點受寵若驚， 只懂不停說 「唔該哂唔該哂！！」
３０秒後傳說中既炒蛋多士到。
炒蛋，一食， 有點失望，因為只是微暖，而且所謂既滑只係好油，無乜蛋味。真心覺得太興既炒蛋更好食，滑得來不太油而且有蛋味。
火腿就是金妹牌火腿吧。
反而個多士最好食，外脆但入面唔會太乾仲軟，牛油既量剛剛好，薄薄溶左係多士面。
呢個時候， 同做功課上網上所言， 澳牛既人好識時間問你飲乜。 我只係簡單叫左杯熱檸水。
當我飲到一半， 突然發覺原來 ＂我唔識埋單！！＂ 因為枱面都無平時茶記既紙仔，我點同櫃面講我食左幾多錢
正當我困惑中時，見到旁邊既枱要走，我就暗暗地觀察。原來你一起身，就會有人自動彈出來寫張紙比你埋單! 我實在太大鄉里，也低估左澳牛既伙記既驚人觀察力。
我拎住紙仔去櫃面， 見到傳說中只是低頭數錢同會 ＂sin" D 碎銀比你既老闆娘。
整個澳牛過程15分鐘，應該都算長嫁啦 (笑）
－－
［總結］
澳牛既人比想像中友善，不過炒蛋真係好失望。應該唔會去下一次， 不過覺得香港人真係要食一次澳牛先叫自己做香港人。
张贴
