棋哥燒鵝 (已結業)

今晚上好朋友屋企食飯，循例都要斬料啦... 朋友指明要食祺哥燒鵝～🥰行到去櫥窗一睇，嘩... 冇得輸，全部新鮮脆皮嘅樣，非常吸睛🤩... 除咗燒鵝，仲有燒腩仔都非常吸引，係我至愛嘅化皮燒腩仔...拎咗外賣，大約45分鐘路程，沿途聞着陣陣燒鵝香味，已經開始覺得肚餓... 心諗外賣盒焗住咁耐，會唔會淋晒呢？！擔心之下，到步即打開外賣盒，竟然一啲梳氣嘅感覺都冇，仍然脆卜卜...原來全因為燒味師傅響個外賣盒上，毫不起眼地開咗兩個窿... 燒鵝皮脆、燒腩仔皮更脆... wow~😋不枉好朋友做丑人嘅苦心，特登叫我千里邵邵去棋哥買燒鵝，當初真的有一點暗暗地咒罵... 食過棋哥燒鵝獨特嘅味道，及鬆脆嘅外皮，真係大嘆，好彩朋友點我去祺哥買... 回味嘅一餐～