新桂香燒臘

营业中

休息中

呢間新桂香出哂名叉燒正，最近又上電視講到燒肉都好正，今日心血來潮，諗住買叉燒同燒肉，燒肉太瘦，佢哋推介不如食乳豬，好！見真係靚好多，就信你啦！返到屋企打開盒，真係嬲到震！換咗一半唔係原本果件！點解可以咁唔老實架？係咪紅咗就唔休做？老闆不在，希望佢有機會見到呢個食評！其實呢個情況可以報海關嗎？我買A，你換咗B比我⋯講返舊叉燒，雖然好瘦（因為就嚟沽清，冇乜選擇）不過出奇地淋，唔係咬柴。不過幾好食都好啦，做生意咁唔老實⋯ 唉，遲早要還架！好自為之啦！