喜記避風塘炒辣蟹 (謝斐道)

营业中

休息中

招牌避風塘炒辣蟹😍🦀餐廳主打招牌菜，絕對係必點菜式，用上大量炸蒜甘口焦香，香辣又惹味，讓人吃完蟹之後啜指回味，蟹拑手掌咁大，肉質結實鮮甜，朋友都非常喜歡而個味道，蟹肉鹹中帶香辣。椒鹽特大瀨尿蝦 未見過用咁大隻瀨尿蝦，成隻手板咁長，火喉控制得宜，蝦肉保持鮮嫩，鮮甜爽口，又爆膏，炸得好香脆，外面沾滿椒鹽，好咸香惹味，絕對係有驚喜。豉椒炒蜆大大碟好多蜆，食落完全冇沙，洗得乾淨，炒得真系好夠鑊氣，又唔會過左火喉，控制得宜，蜆肉索晒辣汁好惹味。招牌醉鮑魚冷盤既醉鮑魚一共有四隻，冇諗過咁重酒香味，勁入味，鮑魚煮得啱啱好，完全唔會太硬好有嚼勁。餐牌花多眼亂，樣樣都想叫，下次黎再試埋其他菜式。