焼き鳥。来 (已結業)

今晚得一個人食飯，又唔係勁肚餓，唔想煮，係屋企附近間《焼き鳥。来 》買幾串串燒返屋企嘆下，飲下啤酒煲下劇，就是爽🥰有自助點餐機方便落單，等大約10-15分鐘就有得拎。✨雞全翼串 - 不愧為「燒鳥」專門店，呢個燒雞翼串真心好食。外層搽上少少蜜糖，甜甜地，焦香脆口，內裡雞肉嫩滑。✨雞胸脆骨串 - 脆卜卜口感一流。✨牛肉丸 - 幾彈牙。✨焦糖燒菠蘿 - 我最愛嘅串燒甜品，又甜又多汁，加上少少焦香，正。賣相都有少少心思。