生龍清湯腩 (已結業)

昨天係旺角出沒，見到呢間大力宣傳好靚清湯牛腩同埋咖哩，並且標榜冇加味精，便入去試下。地方都算清潔，睇番openrice先知原來係新開的，唔怪之得之前冇留意到啦。打開餐牌，d食物都唔算平，至普通一碗牛腩河要27元。其餘都有d食物都好似幾特色，有蕃茄豬肝米線等。order招牌清湯牛腩，個waitress問要肥定瘦定半肥瘦。叫左半肥瘦，等左唔夠5分鐘就有得食喇。碗粉唔算大碗，半肥瘦牛腩原來係幾舊肥幾舊瘦，d河粉都幾滑，牛腩中等啦，唔會太大驚喜，d湯就真係有清，清到好似唔夠味咁。又未至於難食，但係mongkok真係可以有好多其他choices。