嗌咗佢兩碗自選車仔麵，非常好食，仲有優惠價換領小食，不錯！
淨南乳豬手 🐷
豬手皮脆肉嫩，帶濃郁南乳香味，滲入啲香料同醬汁，入口香滑又有嚼勁，好正！而且份量非常多！
自選車仔麵 (咖喱汁、炸腐竹、蘿蔔、雞翼、牛筋) 🍜
咖喱味濃，麵條彈牙，炸腐竹香脆，蘿蔔甘甜，雞翼和牛筋煮得軟腍入味，除咗咖喱汁之外亦都有麻辣汁選擇，如果唔食辣嘅話清湯都唔錯！
自選車仔麵 (咖喱汁、紫菜、冬菇、牛筋、牛肚、魷魚) 🍲
粗麵厚身彈牙，咖喱香濃，紫菜冬菇增添鮮味，牛筋牛肚軟嫩，魷魚鮮甜有嚼勁，好有層次感。
鹵水虎皮鳳爪 🍗
鳳爪入味軟腍，虎皮爽口，鹵水味香濃帶香料香超適合下酒。
腐乳通菜 🥬
通菜爽脆，腐乳醬香濃郁提味，簡單卻很開胃。
抹茶紅豆冰 🍧
抹茶味道清新微苦，搭配香甜紅豆及冰涼口感，甜而不膩，夏天清涼消暑最好。
