永年士多 (香港逸東酒店)

营业中

休息中

十幾年前喺元朗本店食開，當時仲係舊舖未裝修，估唔到依家開到咁多分店，仲將街頭風味升級，除咗車仔麵，仲有一串串小食，好似以前喺街邊食串串一樣，成個 vibe 返晒嚟！ 蘿蔔一咬落去，湯汁滲出嚟，特別清甜，帶淡淡香氣，炆到夠晒入味，好難唔令人懷疑係咪有咩獨門秘技！ - 咖喱魚蛋夠彈牙，咖喱汁掛得勻，每粒都入晒味。 - 牛筋燜到啱啱好，入口即化，滿滿膠質感。 - 大腸滷得夠淋，完全無腥味，仲帶少少甘香。 - 豬滑溜得嚟唔會粉粉地，輕輕一咬滲出滷水香氣，食完超滿足。- 豬吸晒湯汁，入口即化，仲帶微微膠質感，完全唔覺自己食緊啲罪惡嘢。- 魷魚爽口彈牙，食落有嚼勁，每條都掛晒滷汁，越咬越香！佢哋最近推出咗一串串小食，好似以前街邊食嗰啲串燒，雞腎、雞皮、魷魚鬚、豬紅都有，全部滷得夠入味，啱晒一班朋友一人一串邊食邊吹水！ 鮮油多比起一般茶餐廳貴少少，但真係食落去就知點解值！牛油切得特別厚，夠香濃，每啖都充滿牛油香氣，最重要係——夠！凍！一咬落去，凍冰冰嘅牛油慢慢溶開，配埋烘得微脆嘅多士，簡直係邪惡之最！ 呢度嘅樽仔奶茶都好出色，夠凍之餘，茶底帶微微熟普洱香氣，奶滑而不膩，完全唔係平時嗰啲

😀超開心永年士多開咗嚟佐敦，之前試過專登入元朗食，對於九龍人嚟講真係有啲遠。佐敦呢間環境感覺乾淨光線充足，人流唔會太多，唔使排長龍真係太好啦！由於呢期減緊肥，所以今日叫咗個菜芯底，呢度有菜底嘅選項，啱晒想戒澱粉嘅朋友。叫咗招牌咖哩汁，果然依舊出色，中辣又香又濃，邊個話減肥唔可以食辣㗎？🤪嘢。墨魚蝦卷食落口感彈牙，有墨魚味，唔會有種粉感。蘿蔔食得車仔麵，必點就梗係蘿蔔啦！呢度嘅蘿蔔炆得好腍，浸住啲湯勁入味，而且十分清甜。紫菜最愛叫紫菜，放喺湯入面浸軟，又係吸汁之選。朋友叫咗油麵，佢話好正，軟硬適中，柔滑掛湯。佢話極推薦呢度嘅豬手，炆得好腍好入味👍🏻👍🏻👍🏻牛筋佢share咗俾我食，我個人好中意軟腍嘅牛筋，呢個真係啱哂我口味👍🏻👍🏻👍🏻冬菇口感厚實，炆得入味，有做足功夫。小食鹵水虎皮鳳爪呢個期間限定小食，真係最好食嘅鳳爪，外皮經過炸香，然後再炆到軟化，每隻都好大隻，決定下次點2碟，因為越食越好味🤣滷水雞翼問世間邊個可以抗拒雞翼嘅魅力？呢個滷水汁雞翼又係必點！😍入味到連骨都入哂味，啲肉又唔會柴👍🏻抹茶紅豆冰好有日式抹茶mix港式紅豆冰嘅味道👅

喺逸東酒店嘅永年士多分店裝修好有特色加入咗好多本地嘅元素入邊仲有好多裝置嘅擺設，可以俾人打卡自選麵嗰份真係幾豪氣 🥢揀咗米粉配微辣咖喱，米粉軟熟但唔會爛，啲咖喱香而唔會太濃郁。牛腩牛根煮得入味又軟腍，一啖咬落去即刻溶喺口裡面。墨魚蝦卷外入面蝦滑彈牙，真係好惹味！至尊麵就更加豐富啦 🥘油麵彈牙爽滑，啲小辣咖喱香濃得啱啱好。豬手油香軟腍，豬腸同豬皮個口感一流，魚蛋彈彈地，雞翼入味多汁。最正係啲蘿蔔吸晒啲湯汁，好開胃！韮菜花炒豬紅係我嘅心水之選 🥬豬紅新鮮冇羶味，啲韮菜花爽口清香，配埋啲蒜蓉炒到香噴噴，簡單但係好正！蠔油菜心清甜爽口 🥗菜心嫩綠清脆，蠔油調味啱啱好，唔會蓋過菜嘅本味。辣串Combo就啲辣味勁咖 🌶️豬腸、牛柏葉、魚蛋，魷魚逐樣都入味，辣得過癮！奶茶同涼粉就係標準嘅解渴之選 🥤樽裝奶茶香濃夠滑，甜度適中。涼粉冰就清甜解膩，好解辣！份量同價錢都幾抵食，最重要係啲嘢食份量夠，味道又好食，餐廳乾淨企理。

呢間車仔麵主打懷舊香港為主題，個環境裝潢都係昔日香港嘅街道場景，仲有個好懷舊嘅紅色郵筒，任大家可以影相打卡📸仲有postcard寄送活動😀1️⃣自選3餸車仔麵 (油麵 x 醬油流心蛋 墨魚蝦卷 酸齋)我諗食車仔麵最開心嘅就係可以揀自己鍾意食嘅餸！因為揀咗三款都好唔一樣嘅餸，又咸又甜，酸酸哋特別開胃！重點係個湯底揀咗佢哋秘製嘅咖喱汁，令到味道層次更加豐富2️⃣ 自選3餸車仔麵 (撈麵 x 醬油流心蛋 金錢肚 豬紅)撈麵都完全唔輸蝕😮金錢肚同豬紅，都好入味，而且撈麵很爽口，撈麵揀嘅腩汁都好惹味。3️⃣小食: 一口奶油多士 + 咖喱三寶除咗麵，仲試咗一口奶油多士同咖喱三寶，多士外脆內軟，牛油搽得滿滿！咖喱三寶都不錯，咖喱味濃郁但唔會太辣，而且朔晒汁👍🏻4️⃣樽仔奶茶& 紅豆奶茶 樽仔奶茶香滑得黎又唔會太甜，而紅豆冰奶茶嘅茶底做得出色，同紅豆嘅甜味互相平衡，正！兩者都係感受懷舊之選👍🏻

作為新界人既我見到元朗小店越黎越多分店真係好開心呀！🤩佐敦分店位置好方便～係酒店入口隔離 唔怕揾唔到裝修新派 座位闊落仲有個懷舊車仔檔可以打卡 小食叫左兩款腐乳通菜（$27）通菜鮮嫩 ～ 加埋腐乳好好味重口味人士可以另外揀佢地既招牌豬腸汁～一樣咁正 😋炸魚皮 （$24）放入車仔麵度浸湯食一流😍飲品一定一定要叫樽仔奶茶（$28）係自己工場製作架🤩奶同茶比例完美配搭！好飲另外叫左杯特飲 - 白桃多多（$28）整體偏甜 如果有得揀甜度既話會更好白桃味好出 ～ 加埋益力多解膩一流辣串combo ($39)重口味人士必叫！！超級多醬～每一啖都食到啲醬～都幾辣下 但好惹味😗有齊魷魚、豬腸、魚蛋、牛柏葉 重頭戲～大碗麵（$76）個人推介 想試晒佢地既招牌一定要叫依款😍豬腸 魚蛋 蘿蔔 豬紅 紅腸 雞翼 都可以試哂為食既我仲叫多份牛柏葉 湯底出色 ～ 係有種清甜既感覺我加左多豬腸汁 ～ 成碗麵都充滿豬腸香味鍾意豬腸味嘅朋友一定要咁叫！！豬腸果然係招牌 ～ 好入味 完全冇豬腸怪味可以放心食蘿蔔雖然係好簡單嘅食材 但處理得好一啲都唔簡單 ～ 入味而且無渣 好味豬紅爽甜

好有心思車仔麵檔模型擺設坐喺旁邊食, 回憶返晒嚟, 超級有老香港特色！大碗麵（不辣）有選擇困難症 揀呢碗就好啱！總共有10樣, 再加配魚腐, 佈滿成碗, 好豐富：豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、菜，份量十足！滷得好入味，樣樣滋味！蘿蔔清甜冇渣, 豬腸洗得乾淨，煙韌度啱啱好☺️牛筋腩蝦子撈麵牛筋腩 份量唔少, 啖啖肉, 牛筋又軟滑, 再加配 墨魚蝦卷, 韭菜餃, 魚腐, 非常啱口味, 蝦子撈麵 味道咸香, 粗麵好滋味！街頭辣串串共有4款, 揀左 魷魚串 同 魚蛋串,配上永年嘅招牌咖喱辣醬🌶️🌶️, 辣得嚟又惹味👏🏻, 好有街邊檔風味！凍樽仔奶茶奶茶底夠晒濃郁👍🏻, 如果再少d 甜更啱我！📍永年士多 (香港逸東酒店)香港佐敦彌敦道380號香港逸東酒店地下1號舖#香港車仔麵美食 #永年士多美食推介 #廟街 #油麻地警局 #油麻地

呢間餐廳紮根香港62年，主打超過30款配料自由組合嘅車仔麵🍜全新旗艦店更將香港同永年士多嘅歷史融入了店內設計之中，讓顧客能夠體驗到60年代嘅車仔檔同舊香港場景🇭🇰💗全日限定套餐（$53）限定車仔麵套餐已經包咗蟹籽丸、貢丸、墨魚丸、蘿蔔同雞翼尖，啱哂選擇困難症嘅朋友👍🏼 蘿蔔係特別出色，清甜無渣，帶微微咖哩辣味；雞翼尖大大隻而滷得非常入味，唔錯唔錯‼️仲會附送一份一人份蠔油菜心🥬💗自選車仔麵 ($101)自選車仔麵就啱哂想食多餸嘅朋友仔😍今次揀咗油麵底，配料就有蘿蔔、雞翼尖、醬油流心蛋、魷魚同酸齋。油麵軟硬適中仲好彈牙🍜；醬油流心蛋個蛋黃非常溏心值得一讚🥚；魷魚爽口彈牙🦑；酸齋除咗本身酸酸地開胃，仲非常吸湯🤤💗淨魚皮（$24）炸魚皮脆卜卜，配車仔麵食一流🐟💗腐乳通菜（$27）通菜翠綠脆嫩，同鹹香惹味嘅腐乳醬簡直係絕配🥬

不嬲聽講永和車仔麵係幾出名同好味，今次都係第一次食，有驚喜！已加入車仔麵encore list 😎麵呢絕對推薦叫油麵，好滑😋餸就隻溏心蛋超入味超流心，好食過拉麵舖出品。冬菇淋，蘿蔔又淋又入味，酸齋好味，魚蛋豬皮個辣汁都好正，夠晒辣。個湯底都符合我對車仔麵嘅要求，濃味惹味，又唔會過咸。飲品個奶茶又濃又香滑，抹茶紅豆冰睇色都知好有抹茶味！仲要咗界央多士做甜品，個串串辣汁都好正！餐廳係逸東酒店樓下，仲有依個車仔麵backdrop 可以打卡👍🏻

終於係依頭開咗永年士多喇，諗住外賣番屋企食~ 一入黎就見到個超靚嘅車仔檔打卡佈景，整得好寫實。米線配4個餸，分別有豬紅、牛肚、牛筋、蜂巢豆腐。牛肚好香淋，豆腐非常吸汁。豬手蝦籽撈麵，加配墨魚卷。豬手有5件，件件有肉有骨膠厚皮。墨魚卷彈牙。見到有辣串串，係懷舊香港特色黎，以前最中意宵夜督番幾串。要咗combo set，有魚蛋、魷魚、牛柏葉、豬大腸，唔會太辣，個醬係特調，超香濃，特別係牛柏葉好掛汁。酸齌，酸酸甜甜，好開胃。抹茶紅豆冰，半杯都係紅豆粒。用料十足，抹茶味好清香。佐敦分店仲有送明信片活動添，遊客不妨可以黎試下~

星期日同朋友去左食車仔面。餐廳係佐敦逸東酒店, 店鋪牆身掛有特色壁畫, 也有懷舊車仔麵檔場景, 可以影相打卡, 仲有送明信片活動。店鋪提供多款餸選擇, 我哋叫左四餸麵, 揀左油麵, 咖哩湯底惹味, 豬手炆得非常入味, 豬皮爽口彈牙, 充滿骨膠原。麻辣豬耳爽脆香口, 墨魚蝦卷彈牙蝦味濃。另外亦試左新推出既街頭辣串串combo，有魚旦、魷魚、牛栢葉和豬腸四款串串, 其中魷魚爽口彈牙,牛柏葉爽脆可口, 配搭特製串串辣醬, 十分惹味。最後叫左抹茶紅豆冰, 紅豆口感綿密, 抹茶味濃, 飲落又唔會太甜。

以前住元朗成日食永年，自從搬咗之後就冇食，出咗佐敦先知原來佐敦開咗，即刻回憶返晒嚟，裝修唔錯，即刻入去試吓係咪同元朗一樣先。咩都想食關係叫左碗 大碗麵🍜 咩都有，正，仲加左 牛筋，牛丸，墨魚蝦卷。咖喱湯底真係好正，超夠味，好啱鍾意重口味嘅人。而家用QR code落單好方便，有啲仲可以自選喜好，仲可以轉菜底，仲有素食者菜式提供，唔錯唔錯。 所有餸都好好味，蘿蔔，豬腸，豬紅，豬皮，魷魚，陳皮魚蛋，全部都好夠味又夠淋身。除咗雞翼尖差少少，其他都keep到水準。而家多咗好多唔同嘅選擇，搞到心大心細，揀咗好耐食咩好仲叫左碟菜，腐乳通菜，個腐乳醬勁正，好細滑，好好味，通菜仲可以揀淋啲添。呢個多士又係必食，不過真係要趁熱食，最好味，咖央醬加牛油不得了好吃的東西總是令人胖胖的現在還是很想再吃它的奶茶也是必叫的，夠濃夠甜嘅港式奶茶，正。

今日黎食好掛住嘅車仔麵，呢間永年士多喺逸東酒店樓下，交通好方便！！裝修設計好有懷舊風味，會見到有啲車仔麵檔嘅裝飾～～～Menu上都有唔同既配搭，仲可以自選！三豬麵～有豬腸豬皮同豬紅配上油麵，油面爽滑，豬皮好入味，豬腸好腍，完全冇豬臭味！招牌麵有魚蛋，豬紅，豬腸同蘿蔔，另外仲加咗紫菜同牛肚，叫咗粗麵，同樣爽滑彈牙，而且一碗份量都唔少魚蛋細細粒，但好彈牙～最近仲出咗新嘅辣串Combo，集齊左四款永年招牌串，豬腸、魚蛋、魷魚、牛栢葉，食落唔會太辣，啱晒香港人口味，推介食魷魚，好彈牙！腐乳通菜麻辣牛柏葉麻辣味十足，牛柏葉吸晒麻辣味好正！最後緊係要試埋個樽仔港式奶茶，茶味十足，唔會好甜，飲落有回甘，正！

永年士多位於佐敦逸東酒店，裝修充滿復古風情，坐低即刻有種置身舊香港冰室嘅感覺。主打車仔麵同港式小食！首先係牛筋牛腩蘿蔔蒜油撈麵，完全係全場最有驚喜嘅組合！牛筋牛腩炆到超入味，牛筋彈牙唔嚡口，牛腩帶少少脂肪，啖啖肉夠晒滿足，配埋炆到腍身嘅蘿蔔，啱晒鍾意濃味又有層次嘅朋友。蒜油撈麵本身已經香得嚟夠滑，配埋濃郁微辣嘅咖哩汁，味道層次即刻升級，每條麵都掛滿醬汁，真係停唔到口！第二款豬紅雞翼墨魚蝦卷冬菇車仔麵，豬紅滑溜唔腥，雞翼夠嫩，墨魚蝦卷鮮味彈牙，冬菇吸晒湯汁，口感層次超豐富。湯底清甜又夠味，油麵煙韌掛湯，每啖都充滿港式風味，食到最後一啖都仲係咁滋味。蝦醬通菜炒得香口，蝦醬味道濃郁但唔會過鹹，通菜爽脆冇渣，送飯送麵都一流，鐘意重口味嘅朋友必試！再嚟係辣串combo，有豬大腸、魷魚、牛柏葉、魚蛋，再配秘製醬汁，真係又香又辣！豬大腸處理得好乾淨，完全無異味，食落仲帶少少煙韌口感；魷魚爽口彈牙；牛柏葉吸晒辣汁，超入味；魚蛋彈牙又夠辣，配埋其他串燒，絕對係一個夠晒過癮嘅拼盤！飲品方面，抹茶紅豆冰嘅抹茶味濃郁，紅豆煮到夠綿密，甜度啱啱好，飲落唔會覺得膩；樽仔奶茶茶味香濃，唔會過甜過奶，口感順滑，啱晒配

紮根香港62年的永年士多進駐逸東酒店，店內以舊香港場景為主調，牆上面掛有由本地藝術家雪姫創作的巨型壁畫，壁畫畫上了 60 年代劉永年先生在屏山虛市擺檔場景，更擺設了60年代的車仔檔，模型造件栩栩如生就像回到從前一樣。店內場景打咭一流，另外還有送由藝術家雪姬設計的明信片活動，不可錯過啊！車仔麵餐牌多款不同配搭嘅車仔麵，亦可選擇自選，適合不同口味客人。大碗麵：有豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、菜，足足有十樣餸，份量十足，全部都滷得好入味，尤其係豬腸洗得乾淨冇異味，食得出係新鮮非急凍，煙韌度啱啱好，湯底揀咗微咖喱辣配米粉，湯底每天用鮮雞配以多種材料熬成，味道香濃鮮甜。至尊麵：有豬手、雞翼、豬紅、豬腸、豬皮、魚蛋、蘿蔔，豬手滷得入味，每口都充滿骨膠原，雞翼嫩滑，豬皮爽口魚蛋彈牙，蘿蔔清甜，中咖喱辣湯底配油麵，辣辣哋惹味彈牙。小食咖喱三寶都好受歡迎，豬皮、魚蛋、蘿蔔越食越滋味！葱花豬腸：每日新鮮烹調，確保美味，清洗澈底，再伴以香料煮製，清香滲透豬腸內外，食落令人齒頰留香！紅豆奶茶冰：林甜紅豆冰加入香滑奶茶，提升了紅豆冰層冰。凍華田是麥芽巧克力的口味，不會太甜。 

行開佐敦見到，又想回味下佢哋出色嘅車仔麵，順便帶個外賣返屋企。麻辣豬耳及麻辣牛柏葉麻辣汁麻辣惹味，豬耳口感爽脆，牛柏葉質感爽滑，煮得十分入味，越食越香辣。淨酸齋麵根口感軟綿，濕潤多汁，酸酸甜甜好入味。自選麵四餸跟粗麵加微辣咖哩汁豬紅、豬腸、魷魚及麻辣豬耳，豬紅唔會好鹹又無腥味，豬肥腸腍滑入味，有油脂香味，魷魚爽彈入味，粗麵煮至軟硬適中，掛上香辣咖喱汁，更加香口惹味。四餸加米粉豬皮、牛肚、牛丸及豆卜，豬皮及牛肚炆得軟腍入味，牛丸爽滑彈牙，豆卜吸收咗湯汁，原味湯底味道香甜，配搭米粉一齊食，相當好味。樽仔奶茶茶奶比例剛好，味道香濃，口感順滑。菠蘿冰菠蘿粒份量多又味道清甜，零舍冰涼透心。