影片
更多
2019-08-09
92 浏览
呢度係同男朋友拍拖既好地方，景觀開揚，無限海景，安靜又舒適，無論日頭定夜晚都非常浪漫餐廳雖然唔算大，但有户外位同室內位，而且枱同枱之間有一段距離，空間感十足，完全唔會有緊逼既感覺。每個座位都有個舒服既咕臣，坐得非常舒適，落地大玻璃窗，飽覽成個碼頭，看著夜景食晚餐，非常有格調。Dinner Set C $1100餐包 - 麵包外層烘得非常非常脆，內部十分鬆軟有空氣感（手指禁落去會彈返起個種）動L動L既感覺~麵包入面有紅苺乾有提子乾仲有幾粒nuts，配上牛油，牛油帶出左麵包香味同紅苺既甜味，非常香口，味道十足，不錯！餐湯 - 雞肉蕃茄湯雞肉頗嫩滑，蕃茄湯濃郁鮮味，帶少少既蕃茄蓉，飲落有口感，高級既感覺~餐前小食 - 法式煎鵝肝配紅酒汁燴蘋果烘得非常脆身既多士上面有忌廉芝士醬，士多啤梨同藍苺粒，一口咬落去先會食到多士既香脆，脆卜卜既口感再配上微微既忌廉芝士味，再咬到士多啤梨同藍苺既香甜，即時有種新鮮既感覺，刺激味蕾，非常好吃！鵝肝份量不少，食落無腥味，配上旁邊酸甜既醬汁，非常夾，仲有粒紅酒燴過既蘋果，味道新鮮，爽脆既口感，先感受到微微酒香，然後果味就開始盤旋係口腔，不錯！凱撒沙律 - 有另外
餐廳雖然唔算大，但有户外位同室內位，而且枱同枱之間有一段距離，空間感十足，完全唔會有緊逼既感覺。
每個座位都有個舒服既咕臣，坐得非常舒適，落地大玻璃窗，飽覽成個碼頭，看著夜景食晚餐，非常有格調。
Dinner Set C $1100
餐包 - 麵包外層烘得非常非常脆，內部十分鬆軟有空氣感（手指禁落去會彈返起個種）動L動L既感覺~
麵包入面有紅苺乾有提子乾仲有幾粒nuts，配上牛油，牛油帶出左麵包香味同紅苺既甜味，非常香口，味道十足，不錯！
餐湯 - 雞肉蕃茄湯
雞肉頗嫩滑，蕃茄湯濃郁鮮味，帶少少既蕃茄蓉，飲落有口感，高級既感覺~
餐前小食 - 法式煎鵝肝配紅酒汁燴蘋果
烘得非常脆身既多士上面有忌廉芝士醬，士多啤梨同藍苺粒，一口咬落去先會食到多士既香脆，脆卜卜既口感再配上微微既忌廉芝士味，再咬到士多啤梨同藍苺既香甜，即時有種新鮮既感覺，刺激味蕾，非常好吃！
鵝肝份量不少，食落無腥味，配上旁邊酸甜既醬汁，非常夾，仲有粒紅酒燴過既蘋果，味道新鮮，爽脆既口感，先感受到微微酒香，然後果味就開始盤旋係口腔，不錯！
凱撒沙律 - 有另外凱撒醬可以依自己的喜好落不同份量，青綠色既沙律菜非常新鮮，口感非常爽脆，芝士碎煙肉粒麵包粒既份量都非常多，香味十足！
意大利風乾火腿，水牛芝士配時令水果 - 擺盤非常精緻，每個小碟上都有豐富既材料食材，賣相精美。
切成薄薄一片既風乾火腿，少許既咸味，配上大大塊既水牛芝士同水果，彈牙口感撞上爽脆口感，衝擊感十足，非常有特色！
蟹柳松露油意粉 - 松露香氣十足，一上枱就香味撲鼻，口水不停流，意粉偏硬有口感，每食完一口都有好香既松露味係口腔，食過翻尋味！
熟成肉眼扒（250g）拼龍蝦
五成熟既肉眼扒非常大塊，牛味十足，肉汁豐富，可惜邊緣位置略微有少許韌，可能係牛既根位，但並不影響整體感覺，依然不錯。
龍蝦非常新鮮彈牙，配上面頭特別既醬料，食落龍蝦味十足外帶清新既感覺！
甜品 - 士多啤梨雪芭同朱古力撻
士多啤梨雪芭非常出色，士多啤梨味香而且不會太甜，雪芭既口感相比雪糕真係出色太多，完全唔夠食~
朱古力撻就較甜，朱古力味非常濃郁，中間仲帶少許紅苺既味道，酸甜味配合得好好！
另外仲有叫一款乾式熟成T骨牛扒（650g）$780
五成熟既T骨牛扒，食落完全無渣，每口都被濃郁既牛扒充斥，好像有隻牛係口腔奔馳咁，簡直係味蕾既享受！
不得不提配菜都做得非常好，淋身得黎仲保留住食物原本既味道，非常多汁清甜！
總結：
呢間餐廳真係非常浪漫，食物亦做得非常好，侍應既服務態度亦不錯，拍拖慶祝既好地方啊！
张贴
