Trattoria Kagawa by Mihara (已結業)

餐廳主打Fusion菜式同鐵板燒，有吧枱可以近距離感受到師傅嘅功架！氣氛浪漫，可以慢慢同女朋友傾吓偈。期間仲有廚藝表現，為今晚呢餐飯添上完美嘅句號，有趣嘅體驗！下次會想試埋個海膽意粉😋Foie Gras On Toast $148鵝肝肥美，油脂豐腴，一咬落去油香喺口腔爆發🤯 多士香脆，非常滿足！Neptune's Bounty $328 海鮮拼盤，多款海鮮一次滿足。全部都好新鮮，師傅現場即席烹調。湯汁比較淡味，有提鮮作用，食落去更加多汁，肉質亦足夠飽滿。Black truffle, unagi & foie gras risotto $208超級邪惡嘅組合，有我至愛嘅鰻魚同鵝肝🤩 全部都煮得啱啱好，肉質香嫩！而意大利飯味道自然，唔造作，食得舒服。Slow-Cooked Duck $98 慢煮鴨肉肉質較滑同軟腍，鴨蛋煙燻過，係特別嘅口味，要視乎個人喜好。