Simplylife Bakery Cafe (已搬遷) 新店位置

星期六放工，約左老公拍下拖，食個晏，行下街。2點鐘到左太古，都有人龍在排隊，等左30分鐘先有位入座，老公話好肚餓，所以2個人叫左3個brunch, Crazy。蘑菇湯好傑身，好多蘑菇粒粒，口感層次豐富。青瓜沙律好fresh, 加上醋好開胃。最先黎係英式早餐，滑旦炒得好滑，蘑菇，腸，同煙肉就比較油膩。車打芝士煙肉牛肉漢堡，係必點，因為抵食夾大件，牛肉好厚，真係啖啖肉，不過就欠缺肉汁，可能煎得太熟啦。忌廉蘑菇蜆肉扁意粉，忌廉太濃味，會有制既感覺，蜆肉都多既，而且蜆肉都有鮮味。