金田家 (已結業)

今日同男朋友在黃埔花園附近睇吓有咩嘢食啦，見到附近有間野新開既日本餐廳，於是就入去試下。入到去之後，服務員嘅態度好有禮貌，招呼周到，餐廳既環境比人一種好溫馨既感覺，裝修都幾靚，比人一種家既感覺，好舒適。金田家既地理位在都好容易搵到，黃埔站出，再步行5分鐘就到達，交通都好方便。今日天氣咁凍，首先緊係要食翻碗熱辣辣既拉麵啦。我同男朋友分別叫左碗雞白湯豚骨拉麵同黑松露拉麵，由於我同男朋友都超鐘意食叉燒同溏心蛋，於是我地追加左兩隻溏心蛋同四碟豚肉同黑豚叉燒。餐廳既上菜時間都很快，落單後大概10分鐘左右就有得食。如果鍾意食黑松露嘅朋友可以試吓呢度嘅黑松露拉麵，呢度既黑松露香味唔會搶左豬骨湯既味道，而拉麵亦都可以揀普通，軟，硬，超硬。而雞白湯豚骨拉麵既湯底非常濃郁，唔會太咸。而我地追加左四樣餸，包括有黑豚叉燒，豚肉叉燒，流心蛋，仲有木耳。黑豚叉燒同豚肉叉燒既分別就係豚肉叉燒比較肥，但係入口即溶。而黑豚叉燒就差不多都係瘦肉，再將叉燒浸落豬骨湯底，非常美味。另外，我地亦都點左兩個小食，分別係同埋唐揚雞塊同男爵薯餅。雞塊既份量都非常多，適合2-3人分享，雞肉鮮嫩，值得一試。而薯餅分別有紫薯和洋蔥味既薯餅