一盛極牛 (已結業)

見到網上介紹呢間有生牛既刺身好似好正，就約咗朋友去試試佢。入到去舖頭有好多小品日本電影既海報，好特別亦都好有復古味～麵有三種選擇，分別係白牛、極牛同拌面。店員有介紹返白牛係白松露湯底，極牛就係牛骨淆製既湯底，而拌面就係新推出既。本身預咗都係食湯麵，而白牛正中我紅心因為好鐘意松露味，所以就叫咗呢個食。拉麵好快就上到，一嚟到已經好強烈松露味，即刻試下飲啖湯底，好香濃，非常之鐘意呢個湯底，而麵亦都好煙韌。半熟既牛刺身牛食落去好特別，未試過有咁既口感，好香濃牛味，肉質都好細軟。