博多拉麵別天神 (已結業)

拉麵好唔好食，湯底真係好緊要，最怕食完仲要飲好多水，今日朋友強烈要求要食E間，真係要食過先知原來咁好食。我叫咗個別天神套餐，有一碗豬骨湯拉麵，同埋揀咗四隻餃子，而我朋友就叫咗蝦味噌套餐，加小龍蝦蟹子沙律。碗麵一上枱，我即刻飲咗啖湯，真係好香好濃郁，唔會係出邊嗰啲，得個咸字，而係好濃嘅豬骨味，好似平時食豬骨煲食豬骨嘅骨髓咁，而我朋友嘅蝦味增拉麵就好鮮甜，上面仲有櫻花蝦，食落去特別香。小龍蝦蟹子沙律都好有特色，食落去扑扑脆，而小龍蝦又好爽口彈牙。餐廳喺餐枱上面，有好多唔同嘅調味料，亦都寫咗唔同嘅食法，好有心機。