東京築地拉麵 (已結業)

旺角既野好似食混哂咁濟，經過雅籣見到呢間係地庫既拉麵店好似幾神秘咁，於是就落去一探究竟啦！呢度既座位都好闊落，而且靜靜地咁都幾岩黎邊食邊傾計。話到晞叫東京築地拉麵，咁當然要嗌返碗拉麵試下啦！而我就叫左黑蒜油同豬骨湯mix既拉麵，聽落好似無咁肥膩丫可? 黑蒜油出左名好味，但mix左豬骨湯中味既佢個濃味就更加適合我既口味。拉麵軟硬求適中，湯底可以當湯飲，唔會太咸亦唔會太杰。除左拉麵，當然要嗌啲小食share下啦！三文魚刺身$38有6塊，都算幾厚，而且好新鮮同肥美，食得過！另外仲嗌左個燒蔥牛肉串，好長的一串@@牛肉燒到岩岩好，唔會韌亦唔鞋，而且唔洗點汁都夠味，中意食蔥既朋友仔可以食埋大蔥，燒得好香！飲品嗌左杯幸運彩虹，其實係杯芒果梳打咁既飲品，個底有啲啫喱，啜落去竟然食有爆炸糖，成個口感都好正，而且又唔會好甜，夠哂大杯好抵飲！Menu仲有好幾款拉麵，炒飯同其他小食，下次可以帶多啲朋友仔黎試哂佢其他野食，因為真係幾吸引之餘價錢又唔貴，環境同service又幾好！