金鶴拉麵 (和富道) (已結業)

再訪白雞湯拉麵真的好好食😋今次試北角分店呢日同朋友係北角酒店check out 之後係酒店寄存行李，後行番北角睇下有咩食野食，途經和富道，見到呢間金鶴拉麵，見到門面裝修都okay 就同女友入左去。坐低之後服務員好親切咁為我地提供水同menu，當時佢地已經準備食飯但仍然過嚟招呼我地，攪到我地都唔係幾好意思阻住人地食飯。打開menu 揀左一碗拉麵同3 個小食，分別係極濃白雞湯拉麵、燒雞泡魚乾、日本明太子雞翼同唐揚炸雞。先講講拉麵，真係名乎其實，湯底十分濃郁，拉麵與湯汁完美融合，每條麵條都充滿滿既湯汁，真係令人食指大動。然後燒雞泡魚乾燒得岩岩好，送酒一流。可惜最近唔飲得酒🥲，淨係呢個雞泡魚乾夠我飲幾杯清酒。明太子雞翼雖然只有2隻，但係雞翼完全無骨，其次中間既餡料十足，香氣十足。比起拉麵同前面2 樣小食，最後的唐揚炸雞就無咩特別，只能算一般水準，最後埋單都只係292 蚊。