集眾菜館

营业中

休息中

朋友介紹呢間小菜館，仲話記住食佢個避風塘瀨尿蝦，今日終於去咗試咗，真係正，因為係D瀨尿蝦已經拆晒肉，食落去啖啖肉，好High。佢D乾蒜都真係爆得幾香，好有避風塘嗰種風味。佢呢度個雞煲翅真係抵食，好似係$108一盅，一人份量，都幾多翅，好足料，雞湯香濃。佢呢度有隻德國麥啤都幾好飲，易入口，唔會苦，麥味都幾香，唔知係唔係食咗咕嚕肉D菠蘿，覺得隻麥啤有D菠蘿香味。聽講呢度嘅咕嚕肉又係必點嘅，網上講係新鮮豬肉加新解菠蘿，叫咗試咗，真係必點，可能係食過最好食嘅咕嚕肉，外層粉漿落咗個甜酸汁之後仍然保持少少脆口，入面舊豬肉(估計係梅頭肉)又真係熟得黎Keep到軟綿綿嘅質地，真係幾好食。