宏 (已搬遷) 新店位置

本身打算食高層嘅抹茶甜品，但要等較耐嘅時間。咁岩見到低層有間 宏! 之前喺佐敦已經食過三次，依家搬咗嚟the one，環境開陽 ，座位亦都多咗，又唔需要等位。雪櫃嘅甜品亦非常吸引，所以決定再食多次。價錢當然較為經濟有套餐主食加甜品仲有杯紅茶，叫咗一個煙三文魚冷海藻烏冬。甜品仲可以揀抹茶蛋捲或者日本草莓小蛋捲。首先冷麵非常有口感好煙'銀'，仲有兩件壽司同沙律。賣相很好。 甜品方面，本人覺得草莓蛋捲值得一試，有係日本食到嘅蛋捲口味。 重點當然係抹茶！ 呢個抹茶芭菲絕對值得一試！ 抹茶雪糕味道濃厚上面嘅mochi 絕對係靈魂 仲要好足料下面亦有啫哩忌廉，蛋糕同粟米片，絕對唔會食到好乾，大滿足。