宏 (已搬遷) 新店位置

同女朋友去到The One行街，見到呢間日本野就入去，因為見到佢d蛋捲好似之前係日本食個款，所以就走入去。19:00去到都唔需要等位。餐牌上有不同嘅set dinner可供選擇，都幾多選擇傢。最後我地兩個人就嗌左2個dinner set宇治抹茶沙冰抹茶軟雪糕好大杯，非常高。味道方面，抹茶味好濃，而且係咁熱嘅天氣下，飲呢杯沙冰就非常解暑。日本滴漏咖啡沙冰香草軟雪糕嘅咖啡味亦都好濃，飲完我都驚訓唔著。叫左個雜錦天婦羅套餐，個餐仲有一個烏冬。天婦羅都炸得幾好食。我就叫左個迷你三彩丼定食。一個價錢食到幾款野，好抵食。鰻魚飯都有一條鰻魚傢，而且肉質彈牙。至於甜品方面，我地就另外叫左抹茶雪糕芭菲同埋抹茶蒟蒻芭菲。個抹茶雪糕好好食，而且仲有d芋圓嘅東西，好正。抹茶控真係值得黎一試。