宏 (已搬遷) 新店位置

今日去咗The One行街, 行到肚餓就自然睇下有咩好嘢食啦。 由於落雨，最好就係喺商場裏面搵到餐廳坐低， 既方便又唔怕淋濕身。行到五樓就發現呢間叫做《宏》嘅日式餐廳。 餐廳主打有綠茶甜品，仲有晚餐，可以食飯糖水直落，唔使轉場。講番食物， 今晚叫咗兩個餐，一個係日式咖哩吉列豬扒飯， 另一個就係日本生薑豚肉飯拼烏冬。呢度嘅咖哩豬扒飯再用新潟米， 每顆珍珠米多粒粒晶瑩，口感煙韌彈牙。至於日本咖哩個選擇甜口或者辛味， 今次選擇辛味， 辣度只係微辣， 咖哩味香濃得黎又帶啲甜。 至於吉烈豬扒亦相當出色， 外皮鬆脆， 裏面嘅肉嫩滑juicy， 飯嘅軟熟配合埋豬扒嘅脆卜卜， 鍾意食日式咖哩嘅你， 不妨一試。第二個餐係生薑豚肉飯拼海藻烏冬， 生薑豚肉薑味突出， 配合買洋蔥嚟煮， 雖然個飯唔係好多汁，但係勝在豚肉味夠， 一口珍珠米，一口豚肉，充滿層次。呢個套餐種配合唔埋海藻烏冬， 海藻湯底用昆布淆製，飲落清甜， 手打烏冬同樣彈牙。 呢個餐最好嘅， 就係有埋一個小甜品， 綠茶小蛋卷， 綠茶味濃，少少甜， 當飯後甜品一流。不過食完晚飯又邊有咁易滿足， 梗係要嗌返個招牌綠茶甜品。 今次就叫咗個京都宇治抹茶芭菲