鮨三川 (已結業)

“鮨”($398)老實講句,其實我係未食過omakase架🙊因為實在唔係太捨得😂但見銅鑼灣呢間鮨三川有個超平嘅omakase lunch set所以忍唔住趁得閒去咗食😝呢道嘅lunch set有4款我就叫咗$398嘅“鮨”🍣包含咗手握壽司12貫,沙律,茶碗蒸,濃湯烏冬,甜品首先會上咗沙律🥗同茶碗蒸沙律就普普通通,冇咩特別😆茶碗蒸落咗啲黑松露,聞落超香😚食落超級滑,入面仲有好多蟹肉🦀😍之後就輪到主角手握壽司出場,分別係：1️⃣鱸魚2️⃣伊佐木,有少少蔥花調味3️⃣帆立貝,面頭落咗啲竹炭鹽,更帶出鮮味4️⃣金目鯛5️⃣深海池魚,輕輕煙燻過6️⃣牡丹蝦,面頭有燒過嘅蝦膏好甘甜🦐7️⃣鯖魚,魚味香濃8️⃣吞拿魚醬油漬,面頭仲落咗芝麻9️⃣拖羅,魚油味香但又唔會太肥膩🔟銀鱈魚,輕輕燒過魚油爆發😍加咗柚子醬中和返油膩感1️⃣1️⃣三文魚籽軍艦,超級鮮,咸香十足1️⃣2️⃣海膽手卷,好creamy鮮甜😍食完壽司就會上暖笠笠嘅濃湯烏冬🥰烏冬口感彈牙湯底香濃,加上蔥花,簡簡單單已經夠好味😚甜品係雪糕🍦口味會不定期轉,我去當日係豆腐味食落清清甜甜好舒服☺為呢餐寫上完美句號🥰滿足🥰