影片
更多
2022-02-20
355 浏览
第五波疫情之後反而去多咗OMAKASE，感覺食既人少啲、上菜方式較直接安全。前排搭車路經北角就俾呢面小黑牆吸引住，喺一堆茶記裝修舖間明顯有啲格格不入，但又令人眼前一亮。月頭打去訂座，估唔到都幾full要book到19號先有位。終於望到禮拜六，餐廳有兩個午市set揀，我地兩個女仔怕食唔哂，所以揀咗平啲既680 set，最大分別係無咗兩款刺身同熱食。先來前菜，有三款，無食早餐太肚餓唔記得左影😂其中深刻啲既係個魚凍，睇落似啫喱，中間夾雜住魚肉，食落有啲似蒟蒻，但魚鮮味超濃！😍😍師傅話係用原條魚煮完再冷凍凝固而成，骨膠原同營養都濃縮當中，唔怪得咁Q彈～之前去尖咀食780都無蠔，呢度平啲反而有喎😲生蠔幾大隻，好滑，海水味唔算重，加咗酸汁啫喱一齊食完全無腥味。八爪魚好彈牙，唔韌。油甘魚，師傅教先食比較結實既魚腩，再食魚背，配埋特別調製既醬汁食開胃又提鮮。海鮮蒸蛋，有幾粒大三文魚籽，個蛋好嫩滑，食到底居然有海膽同魚，完全喜出望外。未食到壽司已經七成飽，我地都開始疑惑係咪俾錯880，食極都仲有😂壽司大細岩岩好，唔會太多飯、食得太飽。池魚，本身魚味較濃，再用上醬油同蔥調味，食完仲留有餘韻。金目鯛，口感似
前排搭車路經北角就俾呢面小黑牆吸引住，喺一堆茶記裝修舖間明顯有啲格格不入，但又令人眼前一亮。月頭打去訂座，估唔到都幾full要book到19號先有位。
終於望到禮拜六，餐廳有兩個午市set揀，我地兩個女仔怕食唔哂，所以揀咗平啲既680 set，最大分別係無咗兩款刺身同熱食。
先來前菜，有三款，無食早餐太肚餓唔記得左影😂
其中深刻啲既係個魚凍，睇落似啫喱，中間夾雜住魚肉，食落有啲似蒟蒻，但魚鮮味超濃！😍😍師傅話係用原條魚煮完再冷凍凝固而成，骨膠原同營養都濃縮當中，唔怪得咁Q彈～
之前去尖咀食780都無蠔，呢度平啲反而有喎😲生蠔幾大隻，好滑，海水味唔算重，加咗酸汁啫喱一齊食完全無腥味。
八爪魚好彈牙，唔韌。
油甘魚，師傅教先食比較結實既魚腩，再食魚背，配埋特別調製既醬汁食開胃又提鮮。
海鮮蒸蛋，有幾粒大三文魚籽，個蛋好嫩滑，食到底居然有海膽同魚，完全喜出望外。
未食到壽司已經七成飽，我地都開始疑惑係咪俾錯880，食極都仲有😂
壽司大細岩岩好，唔會太多飯、食得太飽。
池魚，本身魚味較濃，再用上醬油同蔥調味，食完仲留有餘韻。
金目鯛，口感似油甘魚，都係偏嫩身，但味道上更鮮甜，無咁淡。
江戶前蛋黃蝦壽司，第一次見呢種造法，中間夾咗蛋黃超級鮮甜！！
帶子，肉厚、鮮甜。
吞拿魚，油香充足，入口即溶。
鯖魚，燒得好香，標哂魚油，本身鯖魚個味已經好重，加埋爐火香更加惹味出眾。
甜品係豆乳芝士蛋糕，口感好smooth，用豆乳整味道清啲無咁漏，食到咁飽都食得落果凍好特別，代替咗生果，但keep到水果嘅天然甜味，好食😋
张贴
