玄鮨 (已結業)

之前嚟玄鮨淨係食過午市套餐，前幾日跟朋友嚟食午市omakase($1088PP)。佢之前食過幾次晚市話好正！前菜蟹膏豆腐：勁重蟹味，撈埋啲香滑豆腐食正。佃煮秋刀魚：用咗傳統日本家庭烹調方式，味道甘甜帶少少鹹。刺身鱈場蟹：一個字甜！深海池魚縞鰺：好厚，入口鮮甜。昆布漬銀鱈魚：上乘的銀鱈魚加上少少昆布漬提升鮮味。中拖羅：有豐腴嘅油份但唔肥膩。九繪魚：第一次食，有彈性又清爽口感。原來九繪魚會變性，女變男。熟食A5薄燒宮崎和牛洋蔥包第一次咁樣食， A5和牛油脂分布充足，師傅都燒得好香。熟咗嘅洋蔥軟淋淋，一啲都唔刺鼻。呢個配搭估唔到幾好食。壽司富山白蝦：通透嘅蝦肉質柔軟，個味鮮甜又濃郁。金目鯛：油分甘香，肉類嫩滑。赤鯥魚：爽口又充滿鮮味。馬糞海膽：好大份，海膽好清甜！以前細個食埋啲平嘢以為海膽一定好腥，原來靚嘅好甜。真鯛魚湯呢碗嘢奶白色嘅魚湯好足料，仲有舊魚肉添！甜品Cake: 咖啡朱古力蛋糕本身都未係好飽，食埋呢個蛋糕就啱啱好。有香濃咖啡味，但又唔會太甜。食咗好多魚，我個胃成為水族館。嗰日冇得睇住師傅整有啲可惜。