影片
更多
2023-03-04
67 浏览
尖沙咀 牛駅今日去咗尖沙咀牛駅食任食午市火鍋。選咗性價比特別高的$148 任食set。我認為呢個set CP值最高，因為佢只比一人一鍋定量D 餐貴$30。但就可以任食豬牛同出面全部食物。牛駅令我最欣賞的地方是時間有120分鐘，較同類同價位餐廳多半小時，可以慢慢嘆。外面任食區選擇超多。試咗豬手，炆得好淋好入味。炸魚皮，大件又脆，兩樣都不輸任何粉麵店。佢出面啲小食係多到冇可能試得晒，只可以揀兩三樣食吓。飲品方面，除咗大量冷泡茶，連清酒，梅酒都在午市有供應。最窩心係暖飲櫃，唔知係咪今朝吹左風，有啲頭赤赤，罐黑糖薑母茶對我很友善。我們選了椰子雞併藥膳牛骨鍋，椰子雞湯一放低已經聞到好香嘅椰子湯味，藥膳湯底都好足料，見到好多藥材。雖然是最平的set，但係啲牛肉質素並唔差，見到油花好均勻，夠薄，灼幾秒就食得，入口即溶。另外推介鴨血，好滑，又唔腥。甜品，有好多雪糕雪條，仲有軟雪糕，不過今日唔係幾想食凍嘢，揀咗個熱糖水，係椰汁雪燕，又幾好喎，唔太甜有好香椰汁味。雖然全場滿座，但職員做嘢好快，基本上落單幾分鐘就會上菜，收碟又快👍🏻，唔會話要自己疊埋一堆冇人理。每人百幾蚊任食兩個鐘，所有嘢都係水準以上，滿意
今日去咗尖沙咀牛駅食任食午市火鍋。選咗性價比特別高的$148 任食set。我認為呢個set CP值最高，因為佢只比一人一鍋定量D 餐貴$30。但就可以任食豬牛同出面全部食物。
牛駅令我最欣賞的地方是時間有120分鐘，較同類同價位餐廳多半小時，可以慢慢嘆。
外面任食區選擇超多。
試咗豬手，炆得好淋好入味。炸魚皮，大件又脆，兩樣都不輸任何粉麵店。佢出面啲小食係多到冇可能試得晒，只可以揀兩三樣食吓。
飲品方面，除咗大量冷泡茶，連清酒，梅酒都在午市有供應。最窩心係暖飲櫃，唔知係咪今朝吹左風，有啲頭赤赤，罐黑糖薑母茶對我很友善。
我們選了椰子雞併藥膳牛骨鍋，椰子雞湯一放低已經聞到好香嘅椰子湯味，藥膳湯底都好足料，見到好多藥材。
雖然是最平的set，但係啲牛肉質素並唔差，見到油花好均勻，夠薄，灼幾秒就食得，入口即溶。另外推介鴨血，好滑，又唔腥。
甜品，有好多雪糕雪條，仲有軟雪糕，不過今日唔係幾想食凍嘢，揀咗個熱糖水，係椰汁雪燕，又幾好喎，唔太甜有好香椰汁味。
雖然全場滿座，但職員做嘢好快，基本上落單幾分鐘就會上菜，收碟又快👍🏻，唔會話要自己疊埋一堆冇人理。
每人百幾蚊任食兩個鐘，所有嘢都係水準以上，滿意，會繼續光顧。
张贴
