和田日本料理 (已結業)

Book左枱慶祝屋企人生日，屋企人係長期客戶所以有九折咭...我地揀左8：30時段，可以食三個鐘，感覺上抵啲！但其實放題又點可能食到三個鐘吖，因為一開始就衝衝衝，開行turbo勁食！環境ok.. 但可能因為係星期一，只有一半枱有人坐。我去到時已經點左一部份食物，不過因為有啲陌生人响度，我唔好意思影咁多相啊！首先講刺身，有三文魚，虎蝦，油甘魚，劍魚，馬刀貝，榮螺等等。老實說，並唔特別出眾，切得好薄，所以我只每樣只食左一兩塊就算。清酒煮蜆，我食左一隻，但阿女就不停食，味道可以的。 叫左三款手卷，每款10件，錯中錯，食完都飽左一半，哈哈！軟殼蟹同海胆都算唔錯，不屬水準之上，但放題黎講可接受。蟹子沙律手卷我就放棄唔食了。 全晚最好味的，就係吉列蠔，炸得好脆，但入面好juicy... 仲有羊架，芝士年糕同日本蕃薯，都非常好，不過芝士年糕就漏左啲食飽飽仲有任食雪糕，芒果同芝麻味都好濃，好想encore呀。呢個百幾蚊嘅放題真係好抵食，又坐得舒服，唯一不足就係冇啤酒任飲，一罐日本啤要$12。