影片
更多
2018-11-04
7138 浏览
呢間一路都好想試，今日就同好朋友黎補祝我既生日飯。用openrice 訂位，lunch time時間都有5 折😍，不過就只限正餐餐牌。牆上面既圖畫都幾得意，有隻街坊麥豬✨我的宣言（主餐+$12)： 個名就幾正，佢係藍碟花系列其中一款。唔知點解睇落個顏色奶奶白白好似伏伏地，menu 話係有白桃同玫瑰。 講真玫瑰味唔多覺，但就飲得出有白桃同埋乳酸味，味道唔會太甜，算係中規中矩。✨烤雞煙三文魚凱撒沙律 (半價$34)： 原來個烤雞係勁細粒，有少少辣辣地都幾好食。夾埋d 煙肉粒同煙三文魚，成個沙律味道幾豐富，不過d沙律醬太少，多d 就更加好~但而家我覺得都幾好食。✨街坊碗仔翅（$28): 呢個稀杰度啱啱好，入面都幾足料。大大片既東菇，素翅，蛋花，木耳～仲食到有胡椒味。不過碗仔翅無肉絲同醋就覺得失色左，後尾睇番d 食評先發現原來枱係有醋🙈完全無留意過。✨蒜香一口牛（半價$29): 個牛都幾韌，不過個汁真係好好味，酸酸地得黎勁多炸蒜，好香口。仲有好多色彩繽紛既蔬菜粒，點汁都唔錯。✨大蝦龍蝦汁炒河粉（半價$58): 個蝦上面勁多蟹籽，隻蝦雖然有丁點霉，但味道都幾鮮甜。 河粉幾滑，唔會太腍食到帶點彈
牆上面既圖畫都幾得意，有隻街坊麥豬
✨我的宣言（主餐+$12)： 個名就幾正，佢係藍碟花系列其中一款。唔知點解睇落個顏色奶奶白白好似伏伏地，menu 話係有白桃同玫瑰。 講真玫瑰味唔多覺，但就飲得出有白桃同埋乳酸味，味道唔會太甜，算係中規中矩。
✨烤雞煙三文魚凱撒沙律 (半價$34)： 原來個烤雞係勁細粒，有少少辣辣地都幾好食。夾埋d 煙肉粒同煙三文魚，成個沙律味道幾豐富，不過d沙律醬太少，多d 就更加好~但而家我覺得都幾好食。
✨街坊碗仔翅（$28): 呢個稀杰度啱啱好，入面都幾足料。大大片既東菇，素翅，蛋花，木耳～仲食到有胡椒味。不過碗仔翅無肉絲同醋就覺得失色左，後尾睇番d 食評先發現原來枱係有醋🙈完全無留意過。
✨蒜香一口牛（半價$29): 個牛都幾韌，不過個汁真係好好味，酸酸地得黎勁多炸蒜，好香口。仲有好多色彩繽紛既蔬菜粒，點汁都唔錯。
✨大蝦龍蝦汁炒河粉（半價$58): 個蝦上面勁多蟹籽，隻蝦雖然有丁點霉，但味道都幾鮮甜。 河粉幾滑，唔會太腍食到帶點彈性，而且有龍蝦汁既香味，加埋蟹籽脆卜卜估唔到又幾好食。
大蝦龍蝦汁炒河粉
55 浏览
0 赞好
0 留言
✨黑松露野菌忌廉汁蟹籽蝦籽麵（$49): 開頭覺得西式做法配蝦籽麵好似好騎呢，但食落黑松露味好香，用上粗身既蝦籽麵，口感煙煙韌韌估唔到又幾夾，仲有好多蘑菇，翠肉瓜粒拌碟，真係唔錯👍
黑松露野菌忌廉汁蟹籽蝦籽麵
55 浏览
0 赞好
0 留言
✨芒果班戟伴雪糕（半價$24): 折左超抵，雖然感覺係普通pancake, 但擺盤一d 都唔hea。雪糕朱古力味勁濃郁，加埋爆谷好好食。pancake 皮都好薄，夾住滿滿既cream, 但芒果就唔算好甜，整體黎講個present 令我幾滿意。
芒果班戟伴雪糕
51 浏览
0 赞好
0 留言
呢餐兩個人真係食到爆肚，折左三百幾蚊都算抵食。唯一係環境有d 暗，個menu d 字又太細，睇得好辛苦🤣。野食都算中上，值得bookmark 下再encore.
张贴
