影片
更多
2019-06-09
125 浏览
每逢遇到特別節日，我都總會適心安排一間坐得舒服而又有氣氛既餐廳既，而今次我就揀佐呢間位於銅鑼灣百樂中心既fine dining house。步進餐廳，已可見餐廳的裝潢走歐洲路線，帶少少古典既味道，人流唔算多，不竟餐廳身處商業中心既高層，而且今日係平日，所以我地就可以擁有更多既privacy 去享受我地既紀念日晚宴。餐廳設有租借叉電器服務，作為現代人，手機真的比任何事更加重要，而這個服務真的很貼心。餐牌很簡單，黎得食fine dining ，基本會有 4個 course ，而套餐既價錢就係 $390，很是經濟實惠。當然，亦都可以再加多D其他既小食，例如薯條，春卷，或者生蠔，等等。點好菜後，首先來到既係餐前麵包，有2款口味，分別係法式脆麵包和紅莓包，2款都係新鮮烤過既所以食落都仲係熱熱地既，好好味。前菜 – 香煎法國自然放養鵝肝伴焦糖蘋果配砵酒汁前菜我揀佐鵝肝，個擺碟好靚，一邊就放佐鵝肝+蘋果，而另一邊就係沙律菜，個鵝肝好肥美，面頭煎一煎去帶出那份焦香同埋香脆感，而食落裡面就好有juicy感，好好味。食完會有少少膩因為太肥美同埋油份都會比較高，呢個時候食一口甜甜既焦糖蘋果就真係恰到好處啦。
步進餐廳，已可見餐廳的裝潢走歐洲路線，帶少少古典既味道，人流唔算多，不竟餐廳身處商業中心既高層，而且今日係平日，所以我地就可以擁有更多既privacy 去享受我地既紀念日晚宴。
餐廳設有租借叉電器服務，作為現代人，手機真的比任何事更加重要，而這個服務真的很貼心。
餐牌很簡單，黎得食fine dining ，基本會有 4個 course ，而套餐既價錢就係 $390，很是經濟實惠。
當然，亦都可以再加多D其他既小食，例如薯條，春卷，或者生蠔，等等。
點好菜後，首先來到既係餐前麵包，有2款口味，分別係法式脆麵包和紅莓包，2款都係新鮮烤過既所以食落都仲係熱熱地既，好好味。
前菜 – 香煎法國自然放養鵝肝伴焦糖蘋果配砵酒汁
前菜我揀佐鵝肝，個擺碟好靚，一邊就放佐鵝肝+蘋果，而另一邊就係沙律菜，個鵝肝好肥美，面頭煎一煎去帶出那份焦香同埋香脆感，而食落裡面就好有juicy感，好好味。
食完會有少少膩因為太肥美同埋油份都會比較高，呢個時候食一口甜甜既焦糖蘋果就真係恰到好處啦。
餐湯 – 茴香蕃茄鮮魚湯
餐湯係呢碗外貌有D似南瓜湯，又有D似龍蝦湯既茴香蕃茄鮮魚湯。
呢碗湯既texture 好杰身，好足料，飲落唔知點解俾到我飲緊龍蝦湯既感覺，充滿住海鮮既鹹香，好好味。
主菜 - 炭燒澳洲和牛肉眼扒 (M7) 配牛肉濃汁 (加 $80)
主菜既選擇有好多，單是牛已經有3款之多，亦都有黑毛豬，羊仔扒，東星斑可以揀，可算是應有盡有。
而特別鐘意食牛而又有D要求既我最後就揀佐 M7 肉眼扒，雖然要 extra 加多 $80，但係我覺得物有所值。
芥辣有三款口味可以選。
除佐主打既M7肉眼扒，旁邊仲會有2粒炸薯球，飽肚之選。
肉眼扒份量唔算係好多，但質素真係超高，medium既熟度，食落有超濃郁既牛味，texture比較腍身，但係有口感，有D似食牛筋既感覺，無乜肥肉，基本上成塊牛都可以食得哂，無下蘭位。
甜品 – 焦糖果仁芒果拿破崙蛋糕
甜品有2款可以揀，我就揀佐個人最愛既芒果拿破崙蛋糕。
佢個外表幾得意，面層同底層既蛋糕餅都係脹卜卜既，切落非常crunchy ，芒果好甜，而裡面既醬就唔會太甜，個人覺得如果醬多D會更好味，整體有80分。
飲品 – Iced Hazelnut Coffee (加 $20)
飲品方面，最後我就加錢要佐個special drink - Iced Hazelnut Coffee，榛子味唔算係好突出，係有D慢慢浸出黎既感覺，可能因為榛子味唔出所以杯咖啡又唔會太甜，幾合我口味，不竟要喺甜度同埋榛子既濃度中取得平衡真的比較難，而咖啡既濃度都唔算係好重，起碼唔會令我立刻心跳加速，但夜晚飲呢個濃度既咖啡反而又剛剛好，起碼唔會令我夜晚失眠。
张贴
