大喜屋 (已結業)

同朋友行完銅鑼灣book 左大喜屋食放題，6點鐘環節228一位，坐低開始叫刺身，非常甜美既有帶頭甜蝦，帶子，赤貝，油甘魚同三文魚，夠新鮮夠厚切，正。油甘魚質素不俗，叫左好多。海膽手卷，味道非常鮮甜，一d 都唔腥，不過舊飯大左d ,好易飽。火炙左口魚邊，油脂味香，入口即溶，芝士蟹棒好大舊，火炙和牛壽司的和牛亦很甘香。黑松露油甘魚，黑松露味道突出。蟹膏甜蝦壽司既蟹膏好鮮甜。到熱食時間，牛肉鍋既醬油湯底香甜，連金菇同粉絲都清哂!食放題有雞煲食，真係估都估唔到，汁料惹味，唯雞肉質素平平。炸物時間，推介榴槤波，味道非常濃郁，芝麻雞翼保持到大喜屋一貫水準，香脆夠入味。燒牛舌非常推介，燒到好香脆，牛脂味濃，肉質爽嫩，每人再追加左1串燒菠蘿燒得好靚，菠蘿好好好甜!!! 好juicy,又追加左2件! 雪糕係每人限叫1款，季節限定係hagan daz 黑提子味，我就揀左milk top 沖繩海鹽牛奶雪糕，非常香滑，微咸既牛奶雪糕，好香濃，正!埋單每人250蚊，價錢很合理，下次可以再幫襯。